CLICK HERE FOR THOUSANDS OF FREE BLOGGER TEMPLATES »

28 يوليو 2008

"يوميات سوسة فى بيطرى المنحوسة "......... الحلقة الخامسة


يااااا جدعان سوسة رجعت اهو البت سوسة دى تحفة اة واللهى كانت عاملة زى التايهة فى الكلية النهاردة لا واية امتحان التدريب طلعلة خمس ملازم كمان هههههههههههههه يا مرارك يا موهجة ودة يتزاكر يا جدعان ااااااااااااااة بيقولوا دة غير السمر كورس وتعالى وبص باتنين ونص السمر كورس هننضف جيوبك من الفلوس ........شعار كليتنا ...... لية تصيف بعيد عننا لما السمر كورس فى قلب بيطرى حبيبة هارتنا ......... ناخد منك فلوس المصيف فى كرشنا ... ونوهمك انك هتنجح وبرضو هتسقط عندنا ............ هههههههههههههههههه اختكم بقى بالصلاة على النبى واخدة مادتين سمر كورس ولسة واللهى مفوقتش من دوامة النوم والاجازة والفيلم الامتحاناوى الاصيل المهم رجعت البت سوسة من كليتها المحروسة اخدت الشور التمام ودخلت فى النوم قوام قوام ...........هاهاهاها (دى ضحكة الجنى بتاع فيلم طاقية الاخفى ) بتمر سوسة بازمة جديدة حيث ان الصحاب وهم كبير يا منز وطلع الواحد مالوش حد غير ربنا وانتم برضو وسلام كبير لجيرانى البلوجارية .......... الا بالحق انزل سحلب ولا كاكاو ؟؟؟؟؟ ولا اقولكم صواريخ بيبسى ومعاهم كام طيارة هليكوبتر ههههههههههه ...... الدفع مطلوب والشكك ممنوع عشان الزعل مرفوع ..........

الحلقة دى بقى سوسة هتكلمكم عن قسم التشريح وسع وسع ياض .......... سوسة مشرط ترحب بالزائرين ....... عاوز تجيب اجل حد ...... حبيبتك خايناك وعاوزنا نعقلهالك ......صديقك فى ورطة مع شوية بلطجية ....... سوسة مشرط كير ...... لاجراء احدث عمليات التشوية ........ استخدام الكى بحمض الكبريتيك ( مية النار يا معلم) واحدث وسائل الدفاع عن النفس ..... انتى يا بهية وانت يا عوضين لو عاوز نيولوكات ........ تغيير شكل العين ........ هنخليلك بهية فشر ام اسماعيل .......جراحات السلوفان سيرجرى .... تحت اشراف اقوى جراحى التجميل (دكتورة رئيسة قسم تجميل كلية الطب البقرى /جامعة ابوديل وقريبا هنفتح الفرع التانى فى امريكاااااااا ..... انت يلا ومالو لما ابقى بيطرية واعمل عملية تجميل ما فى ناس بدبلومات وبيعملوها احسن مننا فى اية هههههههههههههههههه) وبعدين ما هو التركيب واحد وكلة بيطلع فى الغسيل ........

كان يوم غرررررررريب اوى كان الواحد لسة بيسافر كل يوم من السويس للقاهرة ومن القاهرة للسويس ...... مكنتش قابلة فكرة المدينة وفى نفس الوقت مينفعش اقعد فى شقتنا فى اكتوبر لوحدى مكنش حد من اخواتى معايا ....... كان يوم تلات بما ان جدول مواد كليتنا بيبدا التلات .... هتقولولى امال السبت والاحدوالاتنين فين ؟؟؟؟؟؟؟؟؟ ارد بكل فخر بنتمرمط فى كلية علوم اشى يا اخويا نبات على حيوان على فيزياء على موادكدة مالهاش لازمة ...... ايام علوم كان بيتصادف اشوف العيال صحابى بتوع اسنان بس دول مش صحابى بتوع المدينة دول السوايسة صحابى ...... كنت بحس بجو الدروس وعبق المدرسة وخنقة كتب الوزارة ههههههههه بهزر انا اصلا كنت بحب اصحابى بتوع اسنان على راسهم شيماء فرشة .......... سيكو (دة اسمها الحركى) سيكو سيجنال تو ....... توتا كلوز اب لمون ونعناعة .... وساعات نقولها يا نعناعة مع الاعتذار للمون هههههههههههه ....... اما بتوع بيطرى فكانوا خنقة فى تلك الحقبة ....... حتى مش هنسى يوم ما كنا مروحين ....... وصلت البيت لقيت كتب شكلها مش من النوع الحلوف ...اقصد المالوف ...... يلهوووووووووز دى كتب الست فرشة نهارك مش زى بعضة اديتها تليفون فى السريع

ترن ترن ترن

السلام عليكم

ازيك يا طنط ..... فرشة موجودة؟

مين ؟

سورى شيماء موجودة

اة

ازيك يا فرشة واللهى شكل صلاحيتك منتهية .... انت بقالك 3شهور ولا خمسة متغيرتيش ؟

ودى ادتها ضحك

سوسة يا رايقة خلى ليلك يعدى

يا حاجة انتى خليتينى احول اسنان ولا اية ؟

معايا كتبك يا مسطولة

افتحى شنطتك

يا ستى كلة واحد نبات وحيوان وسلميلى على دكتورة مارى المجنونة بتاعة النبات واهم شويةمخاليل وليل بطىء ومتهبب مع بتوع (الزولوجى ........(الحيوان يعنى ) ترجمة بقى وسلملى على شريط الترجمة ومعاة الشريط الاحمر .....

طب يا هبلة هتلاقى كتب زيادة دى تباعنا ..... رعاية حيوان على تشريح وبعدين مال كتب النبات بتاعتكم ازفت من بتاعتنا كدة لية دة اية الفقر دة ....... خلى بالك من كتاب الهستولوجى (علم الانسجة يعنى) دافعة فيةدم قلبى

المهم عاوزة الكتب بكرة ..........

طيب قدام مكتبة الجناينى الساعة عشرة الصبح

اوك

لو نسيتى هموتك عاوزة ادح كلمتين فى السريع

طيب يا عم الدحااح

سلاااااااااااااااااااام

المهم يعنى جابت الكتب والموضوع اتعدل وزاكرت ...... احلى حاجة اننا كنا بناخد مواد زى بعضنامع اختلاف الكمية وكنا بنزاكر ساعات مع بعض ........ لدرجة واحدة من صحابى فكرت انى طلعلى درجات زيادة وحولت اسنان هههههههههههههه بتوع بيطرى بقى

واللهى احلى ايام انتوا فين يا عيال ........ الحمد للة خلصت منهم اتخرجوا ..... دة غيرصحابى التانيين بتوع المدينةمن اسنان برضو....... مهو فى علاقة بيطراوية وثيقة بينا وبين اسنان وبلاش بقى نقول شعار الضرس والسنة عشان منضربش هههههههههههه

جةعلينا الترم التانى ..... فجاة كل الشلة (فرشة وسيجنال تو ونعناعة ) لقيتهم بيقولوا احنا مش هنسمع اغانى تانى يا سوسة طب انا بحب عمر خيرت يا عيال لا خيرت ولا ام خيرت الاغانى والمزيكا حراااااااااااااام

المهم اقتنعت ........ وكنا عاملين حزب لوحدنا ....... شوية ولقيتهم بيحضروا حلقات دينية والموضوع هيدخل فى العمق اوىىىىىىىىىى اتكلمت مع فرشة بس مكنتش مقتنعة اة انا بطلت اغانى والحمد للة الواحدمنتظم فى الصلاة ومحتاج يقرا اكتر فى الدين بس نبعد عن الحلقات دى بقى عشان العصاااااااافير وسلامى لكل عصااااافير الكنارية وانتم عارفين نفسكم هههههههههه

جيت فى يوم غريب عجيب برضو ....... لقيتهم عرفوا واحدة وعاوزين يعرفونى عليها ...... المهم راحوا يجيبوا حاجة كلهم من برة وكنت بتكلم مع البنت دى ومن طريقة الكلام كنت اتاكدت انها عصفورة ..... اة عصفورة يا بشررررررر من بتوع السكيورتى هههههههههه اكيد فاهمين وعمالةزى الهبلة تسالنى انتى بتسمعى اغانى يا سارة ولا زيهم ؟ اقولها يا بنتى اسمعلك الاغانى البوم البوم ........ههههههههههه منا فهمت اللى فيها دى خطر يا مغاورى ....... ودى نزلت من هنا وانا اشتغلت جيمس بوند ....... وراها لقيتها فعلا نازلة للمشرفة وطبعا بتديها التقرير عن كل بنت فى كل اوضة مهى دى شغلتهم هههههههههههههه

دخلوا بقى صحابى المحاريس ....... فرشة : اكيد ارتاحتلها يا سوسة

سوسة: اة منك يا فرشة على طولك وبرضو هبلة

فرشة : فى اية ؟

سوسة : دى عصفورة يا حاجة ارتحلها ازاى يعنى

فرشة: يعنى اية؟

سوسة: يعنى السنة الجاية حتى لو كنتوا جايبين امتيازومرتبين على الدفعة والبت دى ادت اسمكم للمشرفة مش ساكنين مدينة لو حصل اية هتبقوا مسجل خطر واضحك

فهمتهم اللى فيها وقولتلهم الدين مش مظهر الدين جوانيات تغيير من جواكى .... وبعدين احلى حاجة اننا كنا بنحفظ قران ونسمع الواجب اللى نحفظة

نرجع للتشريح

بما ان رئيس قسم التشريح على ايامى ربنا يكرمة متجوز رئيسة قسم الهستولوجى والاتنين طيبين جدااااااااااااا طبعا على النقيض تماما

كنا بنمثل مشهد من ايامهم الحياتية

دكتور التشريح: عاوزانى انجح العيال يا روح قلبى ؟

دكتورة الهستولوجى : لا طبعا يا سونة عاوزاك تسقط نصهم اناتومى (تشريح)

دكتور التشريح : والنص التانى يا هارتى من جوة ؟

دكتورة الهستولوجى: اسقطهم انا يا حبيبى

الشىء الغريب انى عمرى ما شيلت اناتومى العالم كلها كانت تشيلة انا العكس كنت بزاكر اخريومين وانجح بتقدير ........ اما الهستولوجى فكان ليا موقف غريب فية..........

الامتحان بكرة يا سوسة ومزاكرناش هنعمل اية؟

يا منى هنعمل زى ما قالولنا فى المحاضرات نزاكر الرسومات عليها نص درجة النظرى

طب احنا كدة مش هنلحق

وفعلا عملنا كدة انا نجحت الحمد للة بس منى لا معلش يا منى متفكريش انى سوست عليكى دة حظ بس يا بنتى وعلى العموم مفترقتش كتير الترم اللى بعدةشلت الهستولوجى التانى وبقيت مع منى هههههههههههههه متهونش عليا العشرة هههههههههه

العالم كلها برضوكانوا يشيلوا فسيولوجى (علم وظائف الاعضاء) انا بقى كنت بجيب فية جيد جدا التلات كورسات فسيولوجى كنت بحبة اوى

واشيل الكيمياء اللى هى اسهل هههههههههههههههههه وعجبى

منورنى يا بشرررررررررررررر واتمنى ان الحلقة تكون عجبتكم ........ الى اللقاء فى حلقة اخرى ......... سلاااااااااااااااااااااااااام
على فكرة ............ هتلاقوا ورا البوست دة بوست ادبى تحفة اة واللهى كويس شغال يعنى عدوا وعلقوا ربنا ميوقعكوش فى ضيقة هههههههههههههههههههه





" رسالة معطرة باحلام من وجد الحب اخيرا "...........




مرت السنين على حبك المهجور فى حى قلبى القديم ..... كنت امضى وحيدا يائس من دنيا العشق .... معلنا اغلاق حجرات الروح فى وجة اى انسانة اخرى ..... كنت احاول الخروج من تلك الهوة العميقة المسمااة "جرحك" ولكنى قد سجلت فيها رقما قياسيا كأكبر فاشل فى تسلق جبال المرارة والالم ........ قابلت من كنت اتمناها حقا فى طريق الشفاء من حبك ...... كانت تحرر روحى من قيود عذابك ....... تسكب روحها لتنير دربى المعتم دوما ....... نعم تجمعت فيها صفات الروح النقية ...... روحها مثل الاطفال الابرياء ....ولكنى كنت اعبث فى اوهام وجودك المتقطع البث ... ارى صورتك على شاشات عرض الدنيا باكملها ....... حتى حينما كانت تحدثنى "ملاك الروح الجديدة" كنت اتوهم ملامحك .....فماالبث ان افيق على صوتها الشفاف الالحان .......


عيناها .... حقا عيناها جميلة ..... حنونة لا تجيد الخداع مثل عيناكى ...... رقيقة نعم رقيقة ...... لم اراها تتصنع الاحساس فى دنيا الغش ...... اعرفها ؟....... اعرفها منذ وقت قصير ولكنى استشعر اننا كنا منذ خلق الكون سويا ..... احبها ؟؟... نعم احبها ...... فلقد تمرد وجودى على احساسى القديم بالحنين اليكى ........ الم اكن اعرفك منذ سنوات عديدة؟!....... ولكنى وجدت روحى فى لحظة تنكرك ....... كانى لم اعرف تلك الكلمات ولا هذا الصوت ولا الملامح !!!!!!!!!!


اتعلمين انها بالفعل لا تماثلك فى شىء ؟!......... فهى تتمنى رؤيتى لحظة ...... اما انتى !!......تمنيتى غيابى للابد ........ تملصتى من وجهى خشية ان ارى ضحكات خداعك المتهامسة ........ تتمنى سماع صوتى برهة ..... اما انتى فلقد سأمتى نبرات صوتى جميعا ... اغلقتى هواتف الدنيا فى لحظة خشية ان يجرح صوتى غرورك وكذبك المقيت ..............


كنت اوهم نفسى بالحب حينما عرفتك يوما .......اما الان فقلبى يدرى اين هى نسمات الحب الصادق.......... هى لا تسالنى شىءسوى الحب بينما كنت فى الماضى افيض بانهار حبى لكى واستجدى كلمة احبك كالمشعوذ التائة وسط دوامات الشحاذين ...... لربما كنت لا املك قصور الهوى كحبيبك الحالى ..... ولكنى الان املك دنيا العشاق باكملها ...... وبهذا يتوجب علي ان اشكرك فلولا بعدك عنى ما كنت وجدت الحب الحقيقى


ختاما ....... تقبلى تحياتى


من العاشق الولهان حاليا لارق انسانة على وجة الارض وتذكرى دوما لم ولن تكونى لى حبيبة فحبيبتى تجلس بجوارى فرحة باشعارى البريئة ....................

بقولكم اية يا منزززززززززززززز انا جالسة قابعة والابداع شغال وبقول انزل حلقة من المسلسل النتاوى الفضائى سوسة فى بيطرى المنحوسة واللى يقرا البوست دة يطلع فوق بالموس يقرا الحلقة والنهاردة قررت ان البطولة تكون للفنان المتالق توتو حسنى ابن عم الفنانة جمالات والبطلة بقى هتكون فعلا زى ما توقعنا زينة رمضان اللى لسة ممثلة معاة فيلم كابتن ماجد .............ههههههههههههههههههههه انا موجودة على البلوجر ومقيمة واللى عاوز مشاريب هننزل بس هناخد نسبة على استخدام وصلة الدش مهو المسلسل معروض على قناة سوسة اية ار تى .............. اروح بقى اذيع المسلسل واجىىىىىىىىىىىىى

"سوسة وتاجات مرصوصة ......لو لو لو لىىىىىىىىى"


طبعا الحاجة سوسة اللى هى انا بالصلاة على النبى ...لسة كاتبة بوست القصة قال اية يا جدعان الاقى جالى تاجين من عند ربنا كدة ..... واحد يا عيال ....سورى على كلمة عيال بس انا اعز اوى العيال ههههههههههه من عند ايمى روح قلبى من الحتة الجوانية خالللللص صاحب مدونة ريليز يور ايماجيناشن وايمان بقى وحشانى اوى ومش بردلها طلب من موقعى دة بهنى اخونا اسامة صاحب مدونة فارس بلا جواد على النجاح ااااااااااااالف مبروك وعقبال الدكتوراة يا اسامة ........... والتاج التانى جالى من اسلام صاحب مدونة مواطن مصرى نايم ونحب نبارك لاخونا اسلام على المدونة الجديدة اللى اسمها "حبيب عمرى " ومن باب تشجيع الاعلانات والسياحة بين المدونات احب اقولكم لازم تفوتوا على مدونة اسلام الجديدة قريبا هيقدم فيها مشاريب مجانا واهو ندبسة برضو ههههههههههههه ....... بقولكم اية انا بستغل نفوذى ونصبى ااقصد منصبى وبقولكم اللى يجى يعلق هنا يحود كدة على ايدة اليمين على المدونة التانية بتاعة اتحاد المدونين البيطرين عاوزة اشوف تعليقاتكم هناك برضو اعملولى حس كدة هنزلكم هناك كراسى عشان متقافوش ورجليكم توجعكم هههههههههههههههههه اية الرغى دة اوعى متروحوش مدونة البيطرين عاوزة عزوة هناك هههههههههههههه وفى النهاية تنبية هام الى مدحت صاحب مدونة سحر الرومنسية افتح مدونتك عشان نعلق ونقرا بوستاتك الرائعة ويا رب تكون احسن ودايما بخير يا مدحت ومبروك على مدونة الرسائل الرومنسية لانها فعلا فكرة حلوة اوى ......... ارجع دون تانى يا مدحت اوعى تكون ناوى تقفل مدوناتك

التاج الاول من ايمى وسع وسع يا عم الحج سوسة تتحدث :::::::::::::

السؤال الاول ::::::: سبع حاجات نفسى اعملهم ؟

اخلص من بيطرى ودوشتها واتخرج

احج انا واسرتى كلنا سوا كدة لمة

اروح الهند والف الدنيا الواحد يتفسح يا جدعان

اشتغل فى جريدة ادبية محترمة

احفظ انا وجيجى القران بقى انا وهى كل ما نيجى نشجع بعض تطلعلنا حاجة ..... بقولك يا جيجى هنا على الملا " ما كنا مبطلين سماع اغانى لية مشجعتنيش اكتر " دى حوارات عائلية ........ انت يلا بتدخل لية خليك فى حالك ياض هههههههههههههه

اكون اسرة متدينة وزوجى يساعدنى ولو مساعدنيش هيبقى يومة مش فايت ....... نشجع بعض ومنجبش زفت تليفزيون فى البيت مالة الراديو والكومبيوتر احنا عاوزين نعلى اكتر من كدة ونبعد عن اى شى بيعطل الواحد عن الدين ........كدة خلصوا الستة

اروح الملاهى دلوقت

السؤال التانى ::::::::: سبع حاجات معرفتش اعملهم؟

انى اتعين فى الكلية زى ما بابا كان عاوز واخلية يفرح بدة وبدل التعيين بقيت معيدة ههههههههه اقصد قعدت زيادة فى الكلية

انى احفظ القران .... وانا صغيرة بابا كان متابعنى وفعلا كنت بحفظ بانتظام بس شغل بابا زاد وبقى بيسافر كتير ....... بابا كان نفسة انا واخواتى نحفظ القران كلة زية بس الحمد للة يمكن نقدر قدام او يمكن ربنا يرزقنى بحد ملتزم فعلا مش شكلا بس

ان يبقى ليا صحاب بجد مش مجرد صحوبية اونطة

معرفتش انضم لاى مجلة وانشر فيها شغل ليا

معرفتش اتعلم الرسم انا رسمى وحش لكن كنت دايما اعلق وانقد نقد فنى للوحات كتير وبتابع الرسم عالميا ونفسى اروح اوروبا وبالذات فرنسا واروح متاحف واشوف لوحات وهموت واشوف لوحة الموناليزا على الحقيقة

معرفتش اظبط الباشميل زى ماما .... وحاليا بحاول عشان الواحد يبقى شطورررررررر ههههههههههه

الستة خلصوا ههههههههههه

اروح الملاهى دلوقت دلوقت

السؤال التالت ::::::سبع حاجات بقولها دايما ؟

عااااااااااااااااادى

اللة يحرق بيطرى

فينك يا ماما سافرتى بدرى لية

فين الجالاكسى يا عيال

نفسى اتفسح يا بابا ..... كفاية سفر وخليك معانا

الامتحانات هتخلص امتى

امتى اروح الملاهى يا بشررررررررر

السؤال الرابع ::::::::::سبع حاجات تحلهم الفلوس ؟

اشترى دريم بارك لحسابى وافضل العب براحتى انا واخواتى

اشترى عربية جيب "جيب" اة واللهى واسوقها هركبكم متقلقوش يا اخواتى ههههههههههه

اساعد جمعية رسالة واعملهم مستشفى كبيرة

انضم للجنة حفظ السلام و الاغاثة الدولية

اعمل مركز علاج طبيعى كبير اااااااااااااااوى لاخواتى جيجى وهيما

بابا وماما يحجوا كل سنة ويعملوا عمرةكمان كل سنة

اروح الملاهى برضووووووووووو

السؤال الخامس :::::: سبع اماكن بحبهم ؟

بيتنا فى اسكندرية

بيتنا فى السويس بحاول احب بيتنا فى القاهرة .....الا انتوا بتحبوا القاهرة ازاى يلى عايشين فيها ؟

الميناء فى السويس

بحب اى مكان فية ملاهى وعيال صغننين بس يلعبونى معاهم

بحب الركن بتاعى فى البيت عشان دة مكان الابداع بتاعى

بحب الهند جداااااااااااااا

الكرسى الاخضر فى كليتنا انا روحت سجلتة فى الشهر العقارى هههههههههه

السؤال السادس :::::::: سبع اشخاص بحبهم غير بابا وماما واخواتى ؟

قرايبنا من السويس واسكندرية وبقول لقرايبنا فى اسكندرية وااااااااااااااااااااااحشنى اوى

السؤال السابع ::: سبع حاجات بحبهم اوى ؟

اسرتى

اسكندريةوالبحر

جالاكسى

الايس كريم

الملاهى والمراجيح

الدباديب ولعب الاطفال بانواعها

دفترى وقلمى

السؤال التامن :::::: سبع مدونات بتحبهم اوى ؟

عيال كتير هنا بحب اقرالهم اوى عشان الضرب بس هههههههههههههه

السؤال التاسع ::::::::: امرر التاج لمين ؟؟؟؟؟؟

ناس عاوزة ادبسهم

سمسمة صاحبةمدونة بحبك يا مصر

دكتور محمود صاحب مدونة بطوط حبوب ( بقولك اية هتركن تاجاتى كتير كدة هههههههههه هدفعك غرامة تاخير )

نهلة صاحبة مدونة فجر جديد
اسامة صاحب مدونة فارس بلا جواد (ااااااااااااااالف مبروك يا اسامة على النجاح عقبال الدكتوراة)
اسلام صاحب مدونة مواطن مصرى نايم
مدحت صاحب مدونة سحر الرومنسية ( اوعى تقفل مدونتك كدة كتير وبعدين طب يعنى انت شاعرنا الغنائى الكبيرمينفعش تقفل مدونتك اصلا يعنى يروح فين الناس اللى عاوزين يعلقوا .......... ارجع دون بقى يا رب تكون بخير وان شاء اللة فترة وتعدى )
د/فارس بلا جواد ( الواجب هيكتر عليك اوعى تركن تاجاتى تحذير بيطرى اصيل هههههههههههه)
محمد الفارس الملثم ( حل الواجب بطل كسل ههههههههههه)

محمود صاحب مدونة عالم محمود

عبير مدونة انجل لف ( وحشااااااااااانى ااااااااااااااوى )

دكتور مصطفى مدونة ازاز

وكل العالم اللى بيحبوا التاجات .......... متزعلوش كلكم فى دماغى دماغى فيها جزء كبير فاضى ههههههههه مغلق للتحسينات

*************************************************************

التاج التانى جالى من اسلام مواطن مصرى نايم .......

اذكر ستة اشياء لا يعرفها عنك البنى ادم لما يشوفك ؟

لسة هرجع لصفحة مدونتك واقرا السؤال تانى واكتبة صح هههههههههههه كسل بقى

الحاجة الاولى :::::::::: رومنسيةةةةةةةةةةةة ااااااااااااااااوى ودة محدش عارفة غيرصحابى واهلى

تانى شىء ::::::::: حسااااااااااااااااااااااااسة موووووووووووووووت بخاف على اللى حواليا اكتر من نفسى

تالت شىء : طفلة جدااااااااااااااااااااااااااا هههههههههههههههه لو معاك حد صغنن وانت اول مرة تشوفنى هتعرف دى علطول لانى مش هسال فيك وهلعب معاة

رابع شىء : مبعرفش اخد قرار وبتردد عشان بقلق من القرارات

خامس شىء::::::: حالمة اوى وخيالى جنينة ههههههههههههههه

سادس شىء ::::::: متحدثة لبقة وقت اللزوم سيبكم من العامية المهببة دى بعرف اجمع نفسى وقت اللزوم

خلصت يا بشررررررررررررررررررررررر ياااااااااااااااااااة تمام تمام ادينى رغيت بقى اة صحيح ونسيت اقول انى رغاية والعيال بيقولوا انى تحفة الشلة وبعرف اضحكهم باقل مجهود هههههههههههههه

سلاااااااااااااااااااااام