"سوسة بعد الرجوع "..........احساس متجدد

ازيكم ياااااااااااااااااااااا جدعان .......... منورين يا بشر ........رجعت من اسكندرية بعد ما عيدنا على قرايبنا وروحنا كدة بيتنا ........ مقلتلكوش بما انى مبخبيش حاجة عليكم عشان انتوا اخواتى بجد اخواتى ................ اخيرا بيتنا فى اسكندرية بقى فل الفل و كل حاجة خلصت فية ........ دة معناة اية بقى ...... اوضة اختكم سوسة اتوضبت وبقت زى القمر عسولة وامورة يا اخواتى ههههههههههههههههه ...........بصوا بقى فين كلمة "حمد اللة على السلامة " ........... كمان مفيش حمد اللة على السلامة .......... رجعت للدراسة وعشان كدة تنبية هاممممممممممممممم::::::::::::: هنزل البوست بالاسبوع ......لو عليا اذيع كل يوم و كل ساعة عشان بحبكم

اوى بس عشان الكلية ........والدراسة .......انتظرونى معا ابداعاتى الاذاعية والادبية وقريبا روايتى المنتظرة ان ان ان ..........ههههههههههههههه

سمسمة ......... بحبك اوى ووحشانى موووووووووووووت

ايمى ....... اختى فى مشوارى الفكرى والفلسفى ...... انا محظوظة انى لقيت فكر زى فكرك

نهلة ......... هكلمك قريب عشان اقولك وحشانى اوى وحمد اللة على السلامة مقدما

بصوا بقى ................ ادعولى لانى فعلا محتاجة دعواتكم بس تاكدوا ان اسكندرية مسحت عن جبهتى احزان كثيرة ومنحتنى روحا جديدة اتمنى ان تعجبكم كتاباتى المستقبلية ...........صحيح ..........انا جبت لبس العيد هههههههههههههه واخدت عيدية كبيررررررررررررة ومش هاقول كام الحسد بقى

كانت معكم اختكم سوسة من خلف كبشتها الشهيرة هههههههههههههه الميكرفون ذهب لقطاع اخبار اسكندرية هههههههههههههه الجو هناك تحفة ........ صحيح من موقعى دة سلامى لجدتى وجدى وعمى وكل قرايبى فى اسكندرية ....... ازاى غبت عنك اربع سنين يا اسكندرية بس رجعت بروحى الطفولية واحساسى القديم

حلقة نتاوية اذاعية قصيرة ..............انتظرونى الاسبوع القادم

سلاااااااااااااااااااااااااااااااااااام

" نشرة اخبار سوسة المحروسة "

ازيكم يااااااااااااااااا بشرررررررررررررررر وعادت سوسة بعد غياب الا صحيح محدش بيدخل كتير على يوميات سوسة لية اجى ادخلكم بالعافية ههههههههههههههه الظاهر انى هرجع بعفرتى عليكم ......... حاليا قاعدة بتفرج على سنوحى مسلسلى المفضل هههههههه ومعايا واحدة جالاكسى ومش هدى حد ههههههههه اة بستعد عشان ادخل اعمل السحور الا مقولتلكوش عملت صنية جلاش انما اية بالكاستر والفراولة وعليها كريمة هههههههههه جوعتوا ولا عاوزينى ابعتلكم هههههههههه طيب كل واحد يجيب سلطانيتة ههههههه ااقصد طبقة ويجى على باب المدونة انا قفلت خدمة الديلفرى عشان مكلفة وعبال ما بوصل حاجة مدونة تانية العالم تقول مفيش فلوس فكة ولا حتى مجمد ههههههههههههههه والشكك ممنوع عشان الزعل مرفوع

رجعت القاهرة بقى والزحمة رجعت بس يعنى مفيش دراسة لسة انا جيت مع اخواتى حكم يا جدعان هيما وجيجى ميقدروش يعيشوا من غيرى ههههههههههه طبعا انتم طيب تقدروا تعيشوا من غيرى ههههههههههه اكيد لا امال مين يغتت عليكم اليومين دول انا عارفاكم مفتقدين غلاستى بس يلا

تنبية هاممممممممممممممممممممممم::::::::::: الاخت سوسة شاركت مع ايمى حبيبة قلبى وصديقتى صاحبة مدونة ريليز يور ايماجينيشن فى مدونة دعوة للنقاش هتلاقوها مع بقية المدونات بتاعتى وهننزل الاعلانات كمان عشان الحجج بتاعتكم ههههههههههههه المدونة دى عشان النقاش فى الموضوعات الفكرية الفلسفية والحوارات الثقافية وبجد ايمى شخصية مثقفة ومن موقعى دة بقولك خلى النت بتاعك يبطل يخرف عشان وحشانى يا بنتى وعشان نتفق على البوستات ...... متقلقوش مش هطلع كلاكيع فلسفتى عليكم هههههههههه

تالت حاجة :::::: بجد مش عارفة اشكر محمد الفارس الملثم ازاى فعلا انت نشيط يا محمد فى شغلك وفعلا دبستك فى مدونة نور الجنة ومشيت هههههههههه بس رجعت لقيت ما شاء اللة شغل زى الفل ...... صحيح كل عام وانت بالف خير عشان عيد ميلادك معلش جيت اباركلك متاخر صحيح انا ملحقتش حاجة من الحلويات عاوزة حقى ههههههههه وبجد انا فرحانة بالمدونة لانها عرفتنا على شخصيات جميلة ومنهم اكيد اخواتى فى اللة امانى وملاك دة غير الناس التانيين اللى مشاركتهم بتفرحنى اوى كلهم زى الفل .....

رابع حاجة ::::::::: انا لسة معملتش حاجة فى موضوع مجموعة الفيس بووك بتاعة رسالة وتعالوا نعيشها صح .......سمسمة وحشانى اوى يا جدعان بلغوها سلامى وقولولها سوسة رجعت وبتقولك هتديك وصفة لعمل حلويات رمضان ههههههههههه ......بس راجعة وهنكتسح السوق المصرى

خامس حاجة ::::::: فانوسى اتكسر حد ار عليا عنيكم هههههههههههههه صحيح نهلة وحشتنى وبقولها انا فكراكى يا قمرى ترجعى للتدوين بالف خير وبقولك عاوزين نتكلم بجد وحشتينى

صحيح :::::::: نازلة اسكندرية عشان نعيد على قرايبنا فى العيد حد عاوز حاجة ..... بس هاخد خدمة الشحن هههههههههه اة بقولكم يلا ننزل بقى نشوف بلدنا وحشانى اوى يا اسكندرية بجد

مقولتلكوش عندى مجموعة مشاريع كدة فى الدكاكينى بس لما تطلع للنور هعلن عنها ههههههههه كلها كتابات كدة مخبياها فى بير السلم اللى عندنا هههههههههههههه صحيح وحشتونى اوى واللهى .....الو الو الو واحد اتنين تلاتة الكبشة ااقصد الميكرفون علق ههههههههههههه

عدنااااااااااااااااااااا صحيح اية اخبار جروب تامر يا اسلام يا رب تكونوا زيدتم ........ بعرف اخباركم من التليفزيون واشاور واقول للعيال اخواتى زعيم الجروب دة بيعلق على مدونتى ايوة كدة خلونا نتشهر ونطلع فى التى فى ههههههههههههه ربنا معاكم وهذا نداء لاسلام صاحب مدونة نام يا مصرى ...... ابقوا اطلعونى على اخبار جروب تعالو نعيشها صح عشان عاوزة ابدا اشارك معاكم

كانت معكم سوسة بيطرى من خلف الكبشة النتاوية تقدم نشرتها الاخبارية الليلية من استديو " رمضان جانا " ....... وهننافس الاف ام وروتانا سينما .......... مش هتقدروا تغمضوا عنيكم ههههههههههههههه

سلااااااااااااااااااااااااااااااااااااااااااااااااااااااااااااااااااااااااام

"امواج الحياة المتجددة"

جلست لطاولة الزينة اراقب خطوط وجهى متناسية الوقت .....اراقب تعبيرات لازالت طفولية ولكن خطها مشيب الايام .......لم اعد اريد تدوين اهاتى فى دفاتر الحياة فلقد زالت منها رائحة عطور النضال من اجل استمرار الحياة !!!!!!!

امسكت بفرشاة تجميلى اراقبها فى سخرية ملونة وجهى بالوان باهتة لا ملامح لها .....وعندما رايت وجهى قررت النهوض .......ووسط دوامات التفكير وجدت ان الالم الذى يعتصر قلبى هو حل لكل ما امر بة من احزان فمن الداء خلق الدواء اليس هذا ما تقولة الاقوال الماثورة !!!!!!!!!

شرعت امحو الوان العذاب من صفحات وجهى لاغرق حالى وسط الحلول الكثيرة ......نعم لابد للحياة من الاستمرارية ولكن اى استمرارية ستاخذنى من المى المتكرر .......شعرت بالاهتزاز يملأ كلماتى وفجاة وجدت جسدى ياخذنى الى حوض الاستحمام لطالما عشقت دوامات المياة فهى ارحم على من دوامات المشاعر والتفكير القاسية

تلك المرة لم اعد افكر فى كيفية مجىء الموت .......لم يعد التساؤل ان كنت اتظاهر بالغرق ام انى اغرق بالفعل ........ تتخللنى صفحات مياة معلنة مساندتى وسط الاحزان .......انكماش ملامح وجهى اشعرنى بانى صرت عجوزا اتململ على حافة قبر الوجود .......فارجع لاعود لبيت لا يعرف سوىء دفء الحياة

سكت مرة واحدة ولقيت نفسى بفتكر كل حاجة .........بفتكر انى بدعيلك علطول وبفتكر وانتى بتلعبى معايا ........فاكرة اغانى ليلى نظمى وعفاف راضى .......كنتى بتطلعينى على الترابيزة وافضل ارقص يومها فستانى كان امور عشان كان عاجبك اوى هههههههههه انا عمرى ما هنساكى يا تيتة عشان انتى جزء منى عشان انا بحبك اوى ......طب فاكرة يوم ما كنت عاوزة اربى كتكوت صغنن وكنتى بتعلمينى ازاى اربية .........فاكرة انا كنت بحب السلاحف اوى وماما مرضتش اربيهم فى البيت وربيتهم عندك .......فاكرة الارنوب الصغنن اللى كان اسمة بندق يوم ما كنتى هتدبحية عطيت اوى كنت فى البيت يومها ورجعتلك ملقتهوش ....... انا بحبك اوى وعمرى ما هنساكى وبدعيلك كل يوم ودايما بفتكرك عشان انتى اول حد كان بيسمعنى علطول ..........

"ظلال القضبان الروحية ".............

نبض القلوب ظل يبكى حزينا
على فراقك لازال وحيدا
تململ جسدى وسط اشواك الروح بعيدا
تمزقت مسام جلدى جراحا وانينا
كنت ابحر وسط دمعى انتظر مرسى قريبا
فاعود مطرقة للنبض ابكى نبض صمت صار وحيدا
هنا وسط الجبال اتسلق محال ما بعدة محال
ابكى خلف قضبان الحزن روحا هى روحى
وحشتينى يا جدتى اوى .............. فقدت حسى بالكلمة لانى عارفة انها عمرها ما توصف شعورى بالفراق ........تهت وسط البشر........واخترت حرف وكلمة على كوكب قلم وورقة منسية .............

"نداء سوسة لكل من يهمة الامر "........ العنوان مش تبع احتكم الامر بتاع عبد الرحيم عمرو ..............ههههههههههههههههه

ازيكم يا بشررررررررررررر اول شىء احب اقولكم كل عام وانتم الى طاعة ربكم اقرب ........سيبكم من المسلسلات وقربوا بجد واستشعروا حلاوة القرب والبكاء بين يدى الرحمن ........ اللى لسة بعيد خد خطوة .....قرب شوية بشوية وانت هتلاقى رجليك فى طريقها للايمان ........صدقونى هتلاقوا الف طريق وطريق بيشدكم لربنا ........... ربنا حبيبى اوى ......ربنا كريم اوى

تانى ملحوظة :::::::: سوسة هانم اللى هى انا بالصلاة على النبى كدة عندها بكرة امتحان كيمياء عاوزة دعااااااااااااااااااااااااء بذمة

انت يلا انتى يا بت ههههههههههههههههه عاوزة اسمع الدعاء ههههههههههههه داخلين على شهر مفترج ومش عاوزة حد يخم هههههههههههه مش بس كدة دة كمان يوم التلات اللى بعدة عندى امتحان سموم هههههههههههههه وربنا ما يوريكم اللى انا فية بس خير المهم دعواتكم بجد متنسونيش وانتم بتفطروا اول يوم لان تاكدوا هكون بعوم فى وسط كوم ورق السموم هههههههههههههههههه

تالت ملحوظة ::::::: انى هسافر السويس يوم الاربعاء نروح البيت بقى عشان نشوف قرايبنا ولا اية رايكم هههههههههه وبما انى فى السويس معنديش كومبيوتر فمش هعرف ادخل نت وادون فاتتنى الملحوظة دى واللهى يا جدعان اخويا نقل كل اجهزة التكنولوجيا للقاهرة هههههههههههههه بس اوعدكم انى متابعاكم بقلبى واول ما ارجع ليا عودة قوية باذن اللة لنور الجنة واللهى يا جدعان مكنتش الخطة كدة خالص دول قالوا احتمال كبير نقضى رمضان فى القاهرة شوفتوا حركة التنقلات دى هههههههههههههههه ماشية انا دايما بشنطة سفر هاندباج كدة هههههههههههههه

رابع ملحوظة ::::::::::: النداء عاجل الى اعضاء اسرة تحرير نور الجنة الحاليين ....... للى معرفش انا خليت كل الاعضاء مشرفين عشان كلة يساعد بعضة

الى ايمان ::::: ارجعى دونى ...... انا زعلانة منك ........ طمنيينى عليكى قبل ما اسافر ....... عاوزة ارجع الاقى نشاط فى نور الجنة ........ بحبك فى اللة اوى وعارفة انك هترجعى اقوى بس الاول طمنينى عليكى بجد

الى نهلة ::::::: عاوزة نشاطك المعتاد وعاوزة مشركتك معانا فى نور الجنة ......... وانا هبقى اطمن عليكى ....... بحبك فى اللة اوى وترجعلينا بالسلامة يا قمر

الى الفارس الملثم :::::: انا عارفة نشاطك يا محمد عاوزين بوستات حلوة واحاديث وادعية جميلة كعادتك ..... ويا ريت تبقى تحكيلنا عن التراويح عاملة اية معاك ......... وعاوزين نجمع اكبر عدد من المشاركين معانا ........

الى مدحت محمد :::::: عاوزين نشاط .....عاوزين تدوين اكتر ..... كعادتك يا مدحت وعاوزين نعرف عاملة اية التراويح معاك ........انا عارفة انك هترجع تدون بنشاط تانى ......صحيح عاوزين مشتركين تانيين .....ارجع دون اقوى من الاول ......

بالنسبة لسارة على ::::::::::هههههههههههههه اللى هى انا ادعولها تقضى اجازة حلوة رمضانية جميلة فى بيتنا السويسى عشان وحشنى اااااااااااااااااااااوى

تنبية هاااااااااااااام بقى : انا اشتركت فى جروب تعالوا نعيشها صح على الفيس بووك بس لسة ماليش نشاط لما ارجع اكيد ليا عودة وكمان اشتركت فى جروب جمعية رسالة المنصورة ......... انا بقول كدة تنبية لحبيبة قلبى سمسمة ........ هرجع اشتركت معاكم بجد ........بقول لاسلا م الف مبروك على جروب تامر ومليون مبروك على الالف وخمسمية عضو هههههههههههههههه مش بار ولا بحسد ربنا معاكم وتقدروا توعوا شباب مصر عن اللى زى تامر اللى بيهدموا ثقافة شبابنا .......... صحيح ارجع دور على دعوة نور الجنة واقبلها دة اجبارى ههههههههههههههههه وانتى يا سمسمة عاوزة اطمن عليكى قبل ما اسافر عشان اجبلك فانوس رمضان كهربا كدة هجبلك واحد شمع من اللى جواة الجنى ههههههههههههههههه انتى كمان اقبلى دعوتى يا وحشة ههههههههههههه هاجيلك اضربك بجد بس مش هتهونى عليا يا قمرى

يلاااااااااااااااااااااااا كفاية رغى كانت معكم سوسة من خلف الكبشة الاذاعية (كبشة جهازى يا عيال ) شايفين التضحية هههههههههههههههه

قطاع الاذاعة النتاوية

هتوحشونىىىىىىىىىىىىىىىىىىى اااااااااااااااااااااااااااااااااااااااااااااااااااوى سلاااااااااااااااااااااااااااام ......... بت انتى يلى هناك بطلى رغى انا بس اللى ارغى براحتى ههههههههههههههههههههههههههه

العندليب ................الاسطورة ..........

العندليب..........الاسطورة


هذا المقال كتبتة فى ذكرى وفاة العندليب الاسمر عبد الحليم حافظ ....... تكريما لذكرى وفاتة فى نهاية شهر مارس الماضى ........ كنت اكتبة على الحان اغنيتة " لو حكينا يا حبيبى ....... نبتدى منين الحكاية ......................"
ملحوظة :::::::::: الفن الحق هو الذى يعطى صاحبةعمرا اطول بعد وفاتة والمغزى من هذا المقال .......التصدى لهراء الفن الحالى وحمى المرائين باسم الالحان ........ الفن الحق هو كيان واحترام متلازمين .......... تانى ملحوظة بقى ::::: انا نشرت المقال تضامنا مع جروب الفيس بووك ضد الحاج توتو حسنى رحمنا اللة من امثالة ممن يدعون كونهم فنانيين ........ انا نشرتة للهدف دة مخصوص واعذرونى ان كان التوقيت ليس بالمناسب نظرا لكون شهر رمضان على الابواب ..........كل عام وانتم بخير .......... المقال لا يحمل عبق الهراء او الدعوة لنسيان ذكر اللة ....... ولكنة مساهمة منى فى توضيح ابعاد الصورة الصحيح للفن .............
فى ذكرى وفاة العنليب الاسمر ارى ان الكلمات لا تستطيع تادية مهمتها والحروف عجزت عن الوصف لهذا الاسطورة الخالدة فى ذاكرة الايام والحقيقة ان التخليد قد صار مقصرا فى حق نغمات صوت لا تنفك تتذكرها طبقات اذنى وروحى مجتمعين الشى الذى صار اكسيرا لحياة العديد والعديد من البشر ممن توافقت احاسيس الاسطورة مع حياتهم واشراقاتهم الروحانية ॥فالنغمات ليست مجرد اصوات تطرا على مسامعنا بل هى ترانيم تعزف الحانها حتى فى طيات الصمت ।ووسط جموع المواقف الحياتية صرنا نربط الالحان والكلمات الملامسة للسماء برباط من المشاعر المتدفقة بداخل كيان هذا الوجدان الصادق كل هذا مرتبط باحساس الاسطورة الفريد الذى يجعلنى اذهب لحياتى فى رحلة احبها بمعنى الالحان ودقة اختيار الكلمات।عندما اسمع هذا الصوت اشعر بانى اسبح فى السماوات الزرقاء لكى اشبع حسى بهذا الطيف النورى العذب ........تاخذنى النغمات فى طوفها على نهر من انهار الحنين الى السعادة المفقودة داخلى .......ارى حالى ارتدى ردائى السماوى الشفاف المتماوج مع نسمات الصيف البحرية الباردة .........اقنع البشر جميعا انى قد صرت ملاك متوج على عرش الالحان الهادئة واشعر فى قرارة نفسى بالحنين الى كلمات الحب العذبة عذوبة امسيتى الليلية فى شرفتى اناجى النجوم المتلالاة وارتشف بضع قطرات من الندى الهائم فى عبير هذا الطقس ...........لم تعد البرودة والالم يعتصران هذا القلب الشفاف فحجاب المشاعر صار حليفا لدفء الحب ।كل هذا التناغم قد يغنى الروح والاحساس عن المشاعر الانسانية المادية ويغرق كيان الحب بالوان دافئة من الرومنسية المعنوية التى علمت البشر وجودية الحب والاحساس ومنعت الانانية هواء روحها واسدلت على الكراهية استارها المتلونة بذات الرماد الاسود المتلاشى ...........مهما كانت الحقيقة منافية للقيم ومهما صارت المشاعر قاسية وغير عادلة فسيظل الاحساس مرتدى لذات الثوب النورانى البرىء من دنس البشر وانانيتهم وخداعهم ...........لنرجع الى الاسطورة التى تهز روحى وكيانى مجتمعين ..........عندما اقول انى احب هذا الصوت فانى لا اعطى الحب كينونتة التى يستحقها وانقص من قدر العشاق فى الموازين وارسم لوحة من الاحزان حول هذا الاسطورة فانا لست جيدة فى وصف دقة الشعور ورهفة الاحساس مهما كتبت من كلمات واظل اتسال هل من الممكن ان يكون شخص العندليب تجسيد لطيف الحب الحزين هذة الايام القاسية ؟ام ان هذا الكيان الهادىء فوق كل احتمالات التجسيد والوصف البشريين وهنا تخبط قلمى عن الكتابة وصار يهيم على وجهة فى طرقات الوجود المتعددة الاوجة...........عندما استمعت الى كلمات الاعلامى مفيد فوزى ايقنت مدى بشاعة الصفات الانسانية البشرية الحالية فى احترام خصوصيات الغير لاسيما الموتى منهم ........هل يحق لهذا الشخص ان يدنس حرمة وخصوصية العندليب بالحديث عن اسرار قد ائتمنة عليها بصفتة صديق؟ هذا قد جعلنى اتساءل حول كلمة "صديق"فلقد شوهنا معانى الكلمة التى اشتقت من الصدق والتصديق وصرنا نذبح باسمها الاجساد ونطوق قبورهم بالذكريات المؤلمة ...........

"ليلة شتاء"..........

طقس بارد وانا اجلس فى البلكونة المطلة على الشارع الرئيسى ارتدى ملابسى الثقيلة التى لا تهون على البرودة وغطاء راسى يمنع الهواء المشبع بقطرات من الرذاذ الثقيل ان يخترق اذنى وقد بدات التغير فكريا وقد وضح ذلك على تصرفاتى حتى تعابير وجهى تغيرت وظهرت نظرة التحدى مع الاستسلام على وجهة لم يعرف سوى الالم والغربة ............ جلست واجمة ارشف القليل من الشاى الذى صار كالثلج من فرط برودة الطقس الخارجى واحملق فى السيارات الذاهبة والاتية يمينا ويسارا والهواء يحرك خصلات شعرى السوداء الفاحمة المطلة من حجابى فى يسر وسهولة كانها صغار تلهو معها القطط............. اعمدة النور تبعث على هذا الجو بعضا من الدفىء المختبىء خلف تيار من الاحاسيس المتضاربة وقلبى ينبض نبضا رتيبا خافتا كانة يخاف ان يسمع صوت نبضة جدران المنزل الزهرية اللون القاتمة الملامح الساكنة سكون مقبرة من مقابر زمن المماليك العتيق ....... استعيد ذكريات من احداث حياتى الغريبة الاحداث التى قلما اجد منها ما قد يسر روحى او يجعلها تشعر كم هى محظوظة ولكنى اتراجع فى الحكم فلا اريد ظلم الاحداث والحكم الجائر على حياتى فهى قدر ومصير شئت ام ابيت احياها فحمد اللة يهون على ما قد يؤلمنى ويجعل عبراتى تسيل ولكنى لم استطع منعها فتساقطت عبرة شديدة السخونة على خدى كانها رياح الخماسين فى قوة اندفاعها وحرارتها فى حرارة شمس الصيف التى تلهب اجساد البشر فتجعلهم يهرعون مستنجدين بالسواحل ولكن فى هذا الطقس البارد انها جعلتنى اسكن كهفا مشمسا وكانى لا اشعر اطلاقا بهذا السقيع الذى تقشعر لة الابدان .......... وجدت نفسى افتح دفاتر الماضى اولا واتناولها بالتقليب بين صفحاتها العريقة ورائحتها العبقة تتخلل انفى باحكام حتى وجدت حالى على مسرح احداث قد مر عليها الزمن وكانها سوف تحدث من جديد تفكرت الصبا وما فية من سعادة لربما هى الفترة الاثيرة لدى الشخص منا حيث البراءة والامل وعدم التفكير فى كل خطوة من خطوات تلك الدنيا التى تملىء همنا وعقلنا وافكارنا ... ووجدت حالى ارى رفقاء الصبا ولكن عقلى توقف عن الاسترسال فى اشاراتة الكهربية المتصلة وكان الماضى فيلما سينمائيا قد انقطع بثة عن فكرى وعقلى لان عينى على ادق تعبير قد التقطت منظرا يلفت اليها الانتباة........ انهما فتى وفتاة يسيران على تباعد عن بعضهما البعض ولكن نظراتهما قوية التماسك والاصرار على القرب وغالب ظنى هما على مشارف حبا يتملكة الادب والخجل والغموض كل هذا وعيناى لا تستطيع مفارقتهما كانها ملاكهما الحارس فى خطوات سيرهما الوئيدة وقلبى يحدثنى هل سيوفيان لبعضهما البعض ؟ام ان درب حبهما ملىء بالاشواك والعثرات ؟وهل سيتركهما الزمان دون غدر واعو اللة ان اتكلم فى حق الزمان ولكن هل ستسمح لهما العناية الالهية بالالتقاء والحياة سويا ؟ام ان الفراق بينهم نصيب مقدرا ومكتوب ؟تلفتت ولم ارى اثرا فعلمت ان تلك الصورة من خيالى فلازلت اهزى بافكار لا وجود لها فالمشاعر الرقيقة الخالصة من الكذب والخداع تابى النسيان ما دام قلبى ينبض وجسدى تدب فية الحياة وعقلى مسترسل فى افكارة الغضة كطفلة ذات جدائل يانعة ... فقررت جمع اوراقى والدخول الى الدفء وعدم التفكير وترك الامور الى ما سوف تؤؤل الية واغلقت باب البلكونة ودخلت حجرتى ............

عدنااااااااااااااااااااااااااااااااا

ازيكم وحشتونى اوى اوى اوى اوى .........رجعت للتدوين بعد فترة عزلة ......... فهمت فيها حاجات كتير كانت غايبة عنى .......بجد سامحونى على عدم ردى على التعليقات .........المهم انى رجعت بروح اكثر حماسة وشغف ......... واول بوست هنزلة هيكون باذن اللة النهاردة

ملحوظة ::::::::::: عاوزين همة فى مدونة نور الجنة بعتذر عن اهمالى ليها ........... وبعتذر لكل الناس عن بعدى عنها ....... رمضان كريم كل سنة وانتم طيبين

"همهمات ابدية"

اهرب وسط كلماتى المنسابة على بحار الاحلام ..... ابكى وامسح قطرات دمعى دما ..... اعلم مدى وهمى المتعلق بسحابات الامل ....اى الاوهام ارسمها داخلى لم اعد انتظر اجابات وهمهمات من اى بشر ....... اتلعثم كعادتى بحرف الراء واعود لامسح لعثمتى الحمقاء ...... اهولاء هم البشر ؟....... ظننت انى اسكنت عوالم الوحوش الضارية ..... يتملقون بعضهم البعض ...ويضحكون امرى العجيب ........... اظل استند لذات الحائط القصير .......لاسمع لعثمتى من جديد ولكنها لعثمة طالت حروف كتاباتى كلها بل اظنها طالت لسانى فافقدتنى الصمت لاظل اشاهد دون حراك همهمات غيرى تقتل احساسى فى تواصل .................

" تعريفات فى سماء بلا غربة "....تحليقى وسط السحاب

القسوة حينما تبكى ويرى جميع الناس دموعك فيمرون قربك دون النظر حتى لوجهك ....... القسوة هى بعد اقرب الناس عنك ...... الغربة هى مقدرتك على التظاهر الدائم بقرب ذويك منك بينما هم ابعد البشر عن وجودك ....... الانهيار هو البناء الاول فى سماوات انانى القلوب ...... الفراق هو اول صيحة حقيقية فى وجة من تحب لانك لم تعد قادرا على تحمل التجريح ...... البعد هو رد الفعل الطبيعى لقلب تعب من معيشتة وسط الحجارة فلا الحجارة تشعر انينة ولا القلب قادر على تحويل تحجرة لادمية من جديد ....... الانسانية هى الكلمة الواهية فى اشعار البشر الوهمية بها يضحكون على اغبياء التفكير فقط انقياء القلوب فى عالم ضاعت فية حروف كلمة قلب ............ الحب هو الترنيمة الوحيدة التى يبحث عنها اى قلب فى هذا العالم طالما انة نابض ........ الجرح هو الالم المتكرر فى جسد الايام قبل جسد البشر ...... الجرح هو ضياع الروح فى طريق الاشواك المضنى .....الجرح هو بداية لسلسلة متكررة من الدموع الساخنة على وجة بارد برود الاموات ........... الحرية هى التحليق بعيدا عن البشر منعدمى الاحساس ..... الموت هو راحة الروح قبل الجسد .... الميثاق الوحيد المكتوب باحرف من نور تتلالا فى سماوات النقاء النورانية الاشكال ....... احبك ايتها الحرية مهما كلفنى الامر فوجودك يجعلنى اترقب بعد البشر عنى فى سرور ........ انتظرك فى جوف الليل مترقبة خطوط الفجرالفضية الالوان واحب من اجل عينيك الفضى فى كل الازمان .................

"الاشعة الكثيرة "
اصبحت اعبث باقلامى الرصاص الخشبية الكثيرة ....... متناثرة على مكتبى العتيق ........ الهو وسط دفاتر مذكراتى العديدة ..... تارة انجح فى فتح دفتر واخرى احتجب الرؤية عمدا ..... قررت الرحيل وسط الاهات ...... وفجاة تذكرت كم الاهات !!!!.......فمعا اى اهة سوف تذهب روحى مستسلمة لذاك الشعور .......... عبثا ما اكتب هذة الايام واذعم مقدرتى الخرافية فى دنيا الاقلام الممتدة الافاق ............ انى ذاك الكائن المسمى مجهول فى زمن البرود الحافل تلعثمت كلماتى وسط خيوط الشمس المنطلقة وسط شباكى الملون ......ارى الشعاع الزجاجى ينهمر فوق حدقتا عيناى دون رحمة ....... اتململ وسط المجهول الوهمى مرة اخرى ....... قررت ان اخرج من دوامات العبث الفكرى المضنية لاجد حالى جزء من الشعاع المار حولى ليفك ثلوج فكرى وقلبى الباردة ... قررت الخروج من المنزل......... حينما تقرر الخروج من منزلك ........... يكون القرار هو بمثابة كسر لحواجز الملل ........ اما فى حالتى فهو تعبير عن التمرد ضد البيوت والاشخاص ........... ضد فلسفة الاستكانة والخضوع لمقعد وشاشات وكيانات بشرية تسكن نفس المنزل ..............كنت قد وصلت لنهاية الشارع ارتدى نظارتى الشمسية هروبا من ذات الشعاع الشمسى البعيض ولكن الشعاع ابى ترك عيناى .......... فهو متلون مع الطبيعة الواهية ...... ياخد الوان والوان ......... فى بيتى كان ملون بلون زرقة الزجاج الشفاف .........اما الان فهو بنى مشرب بدرب من دروب الغربة المقنعة .................. ولازلت امشى لربما اخرج من دوامات الاشعة الكثيرة ................

"نثريااااااااااااااااااااااات وسط قلبى المشتت "

"كلمات فوق قلبى القديم "
انسحبت جراحى مع اهات البارحة تتهاوى بين جنبات روحى العليلة بذات الداء القديم الا وهو الحب .........حب بلا اطراف تقومة وتجعلة كائن حى يمارس لعبة المعيشة المضنية لمشاعرى الضعيفة الاركان .....تركت الكلمات المواسية والاشعار الرومنسية والاغانى التى لاتزال على مسجلى القديم وخلدت للنوم اخادع روحى فى ظلمات الليل تارة استسلم للنوم واخرى تكبلنى انفاسى باغلال المشاعر المتخللة يداى وقدماى فى صمت ।هنا جاء دور العبرات على مسرح الالام الدفينة ولكنها تنحت عن دورها فى كبرياء "اااااااة"صوت متحشرج فى حنجرتى الحزينة وفى النهاية رضخت لى دمعة ساخنة تهاوت على خدى واستقرت قرب شفتاى فى الم .............اسلمت راسى لنفس الوسادة ولكنى اليوم لا اراها سوى اشواك تحطم فكرى واعصابى فى فرحة المنتصر تقلبت فى فراشى كالاحلام القديمة تحاول الوصول لدروب الحياة ولكنها ما تلبث تتحطم على شاطىء المستحيل فكانما حبى صار اعرج واخرس واصم شخصا تجمعت فية مسوخ الدنيا فقرر ان يقطع شرايين الحياة داخلة وان يستقر فى جحيم الفراق مسندا كتفة لحائط الذكريات والاحاديث الواهية ........"لا تخف تخليت عن وهم قديم كان يداعب مخيلتى الطفولية الهازئة بقوانين الحياة" هكذا حكت كلماتى الصامتة فلقد صار صمتى كلمات وكلماتى رنين لصمت احزانى القديمة فلقد تركت قبورها وجاءت تحاسبنى على ما فات تعذيبا ..........احرقت جسدى فى نار الحياة وجمعت رمادى لتطفىء بة حريق السنين ولكن قلبى لم يحترق وسط الانين .........حينها ظهرت ذات الكلمات التى هتفت بها قديما السنين لمبدعة قوانين الانين "الحب شموع تحترق زيتها شوق ووفاء فتيلها ارواح تتلاقى فى كبد سماء"...........فلا الاشواق انطفئت ولا الارواح تلاقت كما كنتى يا براءة تقولين ؟؟!

******************************************************************

"الموت الخرافى"
تعالى ايها الموت الخرافى الحسن.... تقدم لا تخف ها هو جسدى المسن...... خطوط وخطوط تلف تجاعيد الزمن....... تشكل وجها وانفا واذن ......ها هى روحى الباردة تخرج فى حنين...... تلامس اخر عهدها بهذا الجسد الواهن...... دوت صرخة عالية فى قلبى الحزين ॥ذهبت الروح مع اخر دقة انين ....حياة الارواح لا تعرف سوى السكون...... لازالت روحى متعلقة بهذا الكون...... ترى الخلاص من شرفة السنين...... اتى الاصدقاء جنبا الى جنب مع اعداء السكن...... سكن الاجساد الواهية الكيان...... هنا لا نرتدى الرداء السماوى الالوان....... بل نمتلك ثوب الحقيقة الشفاف الرنان ....دروب ودروب حتى وصلت لدار اليقين...... تململ جسدى فى مكان دفين حفنة تراب .........وطين لم اعد جميلة كما كنت يا مراة توصفين...... بل انى اتنزة فى دروب المسوخ المتغربين ......من هذا الذى الى جوارى يستكين ؟؟!تتهاوى ملامحة فى الطين على ذات الجبين...... الظلام يلفنى فى صمت ذبول الياسمين.... تعالى ايها الموت الخرافى الغريم...............قامت عظامى تتهاوى ثم تستقيم..... اجمع قطع ردائى فى ترنيم...... ابكى فتتساقط دموعى على كيانى القديم...... اصرخ فلا يسمع صراخى.....واعود لاركض فتتعثر خطواتى فى الم.... تشدنى الخيوط الممزقة فى كفنى كذات الريم .....ريم غرقت فى دماء صيادها القديم..... ما تلك الرائحة الممتلئة بالخوف العقيم؟.....رائحة جسدى المنهار وسط الم ام رائحة من سبقونى لحقيقة الحياة ؟؟!روحى شاردة فى قبرها العظيم..... بنوا لى الرخام الجميل التصميم .....ونسوا الدعاء لى بمغفرة وعذاب رحيم....... ذاب جسدى وسط تنور الجحيم.... تقهقرت روحى لتخرج لتهرب لمكانها القديم...... وجدتهم يشربون نخبها الاليم...... ياكلون قطع لحمها على ذات الترانيم..... فعادت تجر اذيال هزيمة الكريم.......... ورضخت لتنور الجحيم فى تصميم...... وتلالا شاهد قبرها :"هنا دفنت من ذاقت سم الحياةعلى ايدى اصدقائها المقربين".....................

"حالتى الان "........... اوف بلوجر ......... اون مشاهدة لمدوناتكم

حااااااااااااااااااالة صمت فكرى ومعنوى مش عارفة اكتب جديد او مش عاوزة اكتب كل يوم بفتح المدونة واقول هكتب هنا حاجة ........ من يوم كتبت بوست فى يوميات سوسة بس معرفتش اكتب ادب ومعرفتش احرر روحى من سجنها .... انا كويسة الحمد للة بس فى فترة صمت نفسى ...... والمشكلة انى مش عارفة حتى ارد على الكومنتات بس اعرفوا انى بتابعكم و بفتح مدوناتى وبحال جيدة الحمد للة ...................

تحديث هااااااااااااااااااام

سمسة يا حبيبة قلبى الصغير

عاوزة تمشى يا ارق صديقة واحنا فين عليكى ندور

عارفة اننا مش هنهون عليكى يا قمرى

ولو هنهون عليكى مش هبعتلك فانوس رمضان الصغير

هقلب عليكى يا سمسمة وفى كلامى هغير

وانا يا بنتى قلبى وحش هتشوفى منى وشى الابلكاش المتغير

متصدقيش انا مقدرة ان دى فترة وهتتغير

انا مقدرش اقلب عليكى يا قلبى الصغير

*********************************************************

"قرارى وبلا رجعة ".......

ازيكم ولو انى زعلانة منكم ..... كل اللى حصل اغيب شوية ارجع الاقيكم كدة ......... سمسمة بجد اوعى تمشى وتسيبينا ..... وانت يا اسلام تهون عليك الناس اللى بتابعك وبتقرا كلامك؟.... دة انا كنت فى حالة ما يعلم بيها الا ربنا بس بسببكم عرفت اطلع منها ....... تعرفوا انى كنت هموت امبارح .......اة واللهى كنت فى المواصلات راحة الكلية والميكروباص كان خلاص سنة ويدخل فى مقطورة كبيرة ...... وقتها حسيت قد اية الدنيا صغيرة ...... فى نفس الوقت حسيت ان وجودنا فى الدنيا لاهداف كتير .... تعالوا هنا بقى قولولى يعنى بعد ما تطلعونى من ازمتى النفسية الاخيرة وخلتونى اتنشطت وعمالة اعمل مدونات ....... عملت مدونة دينية يا سمسمة ..... وانت يا اسلام ارجع واوعى تلغى مدونتك لو حد فيكم انت وسمسمة عمل كدة ولغى مدونتة ...... انا كمان هلغيها ........ وبعدين دة انا يا اسلام عملتلك اعلانات لحملتك ضد تامر حسنى .... طب ارجعوا بقى ... يا سمسمة انا بحبك اوى فى اللة واتعلقت بمدونتك حرام عليكى ॥ وبعدين انا ضفتك للمدونة الدينية ........ يا اسلام ارجع عشان ابعتلك اشتراك للمدونة ....... رمضان جاى اهو ..... طب جبتوا الفوانيس ؟؟؟؟؟؟؟؟؟ انا هجيب .... طب ابعتلكوا فوانيس على مدوانتاكم ؟؟؟؟؟؟؟؟؟ انا زعلانة منكم عارفة اللى انتوا فية ومريت بية بس عارفة ان انتوا رجالة واقوى من كدة ...... طب اقولكم واللهى هشجعكم ...... هنبدا برنامج لحفظ القران .... جيجى بتعمل خطة للموضوع دة .... مش هخليها مدونة اى كلام ..... عشان فى رمضان كل واحد يرجع من التراويح يحكى اية حصل معاة؟؟؟؟؟؟؟

ارجعوا انتم اخواتى انا بحس انكم اخواتى .......... انتم حاسين انى ممكن اكون اختكم؟؟؟؟؟؟؟؟؟؟؟

تنبية هاااااااااااااااااااااااااااام
انا نقلت مدونة يوميات سوسة لمقر مدونتى " البراءة " يعنى اللى عاوز يروح على مدونة يومياتى هيلاقيها جنب البراءة وهتلاقوا كمان اتحاد البيطرين معاهم التلاتة جنب بعض ......... المدونة التانية بقى اللى عملها على اساس تبقى اليوميات احتمال كبير هخليها دينية ....... عشان رمضان باذن اللة كل سنة وانتم طيبين ............ انا فى المدونة عدووووووووووووووا عليا
تنبية هام...... الى سمسمة صاحبة مدونة بحبك يا مصر ونهلة صاحبة مدونة فجر جديد واسلام صاحب مدونة نام يا مصرى واسامة صاحب مدونة فارس بلا جوار ومحمد صاحب مدونة الفارس الملثم وباقى الناس ومش عاوزة انسى حد ........ انا عملت مدونة دينية وعاوزاكم تشتركوا معايا ممكن ؟؟؟؟؟؟؟؟ اللى عاوز يشترك يا ريت يبعتلى اميلة عشان ابعتلةدعوة للاشتراك
سمسمة ونهلة ......... هتشتركوا يعنى هتشتركوا ههههههههه بهزر يا ريت تشرفونى وتشتركوا عاوزة نشاط
صحيح اوعى يا محمود صاحب مدونة بطوط حبوب تبطل تدون او تقفل مدونتك مشكلة جفاف الافكار عادية ونتعرض ليها حتى لو هتدخل تقول اية اللى بيواجهك فى حياتك اليومية بالتدريج هتتشال المشكلة .....

تحديثثثثثثثثثثثثثثثثثثثثثثثثثثثثث هاااااااااااااااااااااااااااااااام

افتتاح مدونة يوميات سوسة ....... يااااااااااااااااجدعان ....... المسلسل رجع يتذاع ........ يومياتى يوم بيوم تذاع يوميا ................ مش بيطرى بس ............. لسة بستفتح يا بشر وهنفتتح قسم للاطفال .....ههههههههههه وهعملكم خصم واوكازيونات ................. عنوان المدونة ميتوهش ..... http;//sosa-vet.blogspot.com وهتلاقوا المدونة فى قايمة مدونات سوسة المفضلة ............تعالواااااااااااااااا زورونا هههههههههههههههههههههههه

"فضفضة"

ازيكم يا عياااااااااااااااااااااااال ههههههه ومالو يعنى اجدع ناس العيال الاول عاوزة افضفض بكلمتين محشورين فى زورى ياااااااااااااااجدعان انا انسانة حساسة ااااااااااااااااوى اة واللهى بجد بحس وعندى دم طب تتاكدوا ازاى ؟؟؟ حد معاة دبوس يشكنى يعنى ؟ عاوزنى اتعور يااااااااااة قلبكم اسود ههههههههههه وانا بقول كدة عشان فعلا فى ناس بتزعل منى انى ساعات باخد جنب منهم بس الناس دول لو عرفوا حقيقة انى سيتى حساسة جدا هيفهموا سبب ان اى موقف يزعل عادى هيزعلنى انا ااااااااااااااااااااوى وانا لما بزعل مبتكلمش بسكت بتخرس ...... عرفتوا دلوقت لية العيال صحابى بيحبوا يضايقونى ههههههههههههه عاوزنى اتخرس ومرغيش بس على مين ههههههههههه

البارحة يا اخوانى الاعزاء ....كان العزاء عند طب بيطرى بجوار مستشفى الطلبة ...... هههههههههه امتحان التدريب عدى عدى والسمر كورس على قلبى هدى ههههههههههههههه واللهى انا لما رجعت قريت بوست التهييس تانى يلهووووووووووووز ضحكت ضحكت دة كلام حد فى غيبوبة الا مش انا امبارح داستنى عربية طب بكلمكم ازاى حاليااااااااااااااااا ههههههههههههههه المهم فضلنا نمتحن من الساعة تسعة لغاية الساعة اتنين الضهر.... والحمد للة كويس واحب اشكركم على الدعم وانكم عبرتونى واللى حصل بعد الامتحان ان واحدة زميلتنا صحبتنا عسولة خالص اتخرجت سولى يا سكر بقولك من هنااااااااااااااااااااا لبكرة " يا رافعة راس شلتنا ومنورة كليتنا اديكى اتخرجتى واوعى تزورينا ههههههههههههههههه لا طبعا تعالى شلة الكرسى الاخضر ترحب بكم " ..... رجعت انا وتيفة نتحدث وهى اللى صالحتنى هههههههههههههه مهى هى اللى زعلتنى ...... بقولكم اية سوسة فى مود حار جاف صيفا ...... ممطر متلج شتاءاهههههههههههههههههه واللهى يا بشر انا عيط عياط ...... العيال بتوع خامسة دفعة السنة دى عملوا عمايل زغاريط وهوليلة خلاص بقى اتخرجوا ....... عارفين برغم انى متخرجتش بس كنت فرحانة اوى المهم بس انا مشيت بدرى ومقعدتش مع العيال كتير حسيت انى هموت وانام ما انا كنت مطبقة بقى وشربت نسكافية لغاية ما جالى هبوووووووووووووووط وماما فى التليفون تزعقلى لما اجيلك ههههههههههه على مين اول ما صحيت اديتها النشكافية التمام ههههههههههه عارفين كاان مفروض انزل بوست ادبى بس مفيش ايحاء خالص ........ مشغلة مزيكا تمام بس مفيش ......... على العموم انا فى المدونة اى خدمة عدوووووووووا يعنى عليا كدة

" اين انتم يا شباب وشابات وزهور المستقبل بتوع مصر ؟؟؟"

ازيكم يا اصدقاء وصديقاااااااات برنامج " انت تقرا وسوسة ترخم عليك " هههههههههههههههه بقولكم اية النهاردة قررت التضامن مع الدعوة الى تنقية الساحة الفنية من الحاج " تامر حسنى " ااقصد توتو باشا المحترم مع الاعتذار للاحترام هههههههههههههه و بدعم جدا دعوة اخونا اسلام صاحب مدونة " مواطن مصرى نايم " وبقولة فعلا يا اسلام انت جدع ااااااااااوى فى طرحك الموضوع دة مهو بجد بقى الحاج "توتو حسنى" واختة" زينة رمضان " زودوها اوى فى فيلمهم الاخير اللى يا رب يخسر " كابتن ماجد" ههههههههههه واللهى خسارة فيهم كابتن ماجد دة كان كارتون حلوااااااااااااوى مع الاعتذار للكارتون واصحابة .........
حوار دار بين البت حسنات وصحبتها جمالات ::::::::::::
حسنات : يلهوى يا جمالات على تامر حسنى اااااااااااامور خالص
جمالات : اية يا حسنات النضارة محتاجة تتغيريا اختى ولا اية ؟
حسنات : لية يا بنتى ؟ هو تامر وحش ؟
جمالات: دة اسود ومعفن وكفاية انوا انسان مش محترم الا متعرفيش ؟؟؟؟ مدرتيش ؟؟؟؟؟؟ بيقولوا عندة ازمة صابون ومنعينة يا اختى اخواتة يستحمى ....... الا ما لكيش حق يا حسنات يا اختى مش واجب نروح نزور الست ام توتو حسنى ونجبلها معانا كارتونة صابون مواعين حتى ..........هههههههههههههههه
يا جدعاااااااااااااااااان يرجى التصويت هههههههههه يعنى تدى صوتك ....تايد الفكرة ...... مش تصوت يا بنى ....... على مدونة اسلام " مواطن مصرى نايم " هتلاقى الموقع اللى على الفيس بوك ...... عاوزنى اوصفلكم السكة لمدونة اسلام؟؟؟؟؟؟؟
شوفوا يا بشر ادى صفحة مدونتى ..... مدونة مين ؟؟؟ مدونة سوسة ........ على ايدك اليمين هتلاقى قايمة بمدونات سوسة المفضلة ........ ام اية هتلاقى مدونة اخونا اسلام منورة قدامك ........ زى الشاطر او الشاطرة ..... دبل كليك وتدخل وتشوف اللينك على الفيس بوك ........ عاوزين اصوات كتير ...... عاوزين نرحم البشرية من تامر حسنى .........ههههههههههه مش ناقصين يا جدعان امثال الحاج توتو بيضيعوا شبابنا ..... بدل ما نصلح حال البلد ...... اللى يا اخويا يعمل تسريحة شعرة ...... يعملوا نضارات شمس على اسمة ........ يقرفونا ليل نهار باغانية ....... يا جدعان واللهى احنا محتاجين نفوق من العالم دول ....... يلا بقى هروح اعمل شاى وارجع انزل بوست دة بوست دعم عشان البلد دى محتاجة شبابها وكدة شبابها فى الضيااااااااااااااااااع ............
بقولكم اية بقالى ساعة بدور على صورة تناسب البوست ملقتش فقولت انزلكم صورة " جمجمة ومطلعة لسانها للاخ توتو حسنى " .......... ههههههههههههههههههههههه

"تهييس"

منمتش خالص وطول الوقت قلق وحالة تفكير مضنية ..... سيبت ورق الهباب امتحان التدريب واستسلمت لدخول المدونة وحالتى المعنوية تحت الصفر ..... انا اعرف اية اللى بيحصلى دة انا زهقت من الدنيا ...... واكيد انتوا زهقتوا منى ....... كل شوية اجى اقولكم اتخنقت اتخنقت طب انتوا ذنبكم اية ........ انا كائن حى وغير حى ..... ميت فى جسد يحيا للوجود بلا اى وجود..... انا نبات مات من الكون وفاق لقى تربتة وهم منحوت فى صخر الدنيا الغريبة .......... انا ولا حاجة ....... ولا حاجة بجد ...... سراب اهو ...... شايفين حاجة ..... واللهى ما فى كلمة داخلة دماغى من اللى قريتة .....لا جراحة ولا باطنة ولا هباب لحمة ... رايحة الامتحان اهو ... الامتحان الساعة تسعة ..... عارفين واللهى ما عارفة ...... انا بهييس خالص ....... شربت لغاية دلوقت تقريبا 11 مج نسكافية دة غير الشاى .... اصل دة مفروض امتحان كدة يعنى مش امتحان امتحان ......... دة تدريب شتوى ..... ااقصد صيفى ....... يووووووووووووة لا مش هنام ...... انا رميت الملازم ....... وقررت اعتزل كل حاجة فى الحياة ....... زى اية؟ .......سؤال جميل اوى ...... مش عارفة اجابتة

انا اهو واقفة على حافة هاوية العدم......هوووووووب هقع هقع اهو ........ اية دة مش عارفة اقع ....الجاذبية اختفت .... مش عارفةانا على الارض ولا القمر ..... انا على حافة العدم والوجود بيشدنى بيشدنى اوى ......... ارجعى يا هبلة.......يووووووووة انا عاوزة اقع سيبنى بقى ...... يوووووووة ........ااااااااااااااااااة وقعت اهو وقعت ....... عارفين فى هاوية العدم لقيت اية؟؟؟؟؟؟؟؟ شوية زلط هههههههههههههه .... انا بخرف بمزاجى دلوقت لان الدنيا فى دماغى تضرب تقلب ...... نسكافية واللهى اللى شربتة هههههههههههههههه انا عاوزة اشتكى بتوع شركة النسكافية تقريبا بيحطوا فية حاجة بتشغل حالة التهييس والفكر والتفلسف وقواعد انعدام الجاذبية النفسية ........ نفسيا ::::::انا فى هواء العدم عايشة فى فقاعة هوائية ....... بقيت زى الاشباح ........عووووووووووووووووووو اتخضيتوا ........... هههههههههههههههه ........هروح اعمل كمان مج نسكافية ......اخواتى بيقولولى ان اكيد بدل كرات الدم الحمرا عندى فى كرات دم نسكافيهية اصيلة ههههههههههههههه تقريبا انا عايشة علية

سلاااااااااااااااااااااااام .........محدش يدقق على كلام البوست دة كلة تهييس

عودة ...........هههههههههه حد عاوز نسكافية؟؟؟؟؟؟ امممممممممممم

" حينما تقلق من الدنيا والعالم تذكر ان حجمك فى العالم مجرد كفن ابيض ........ هترجع للتراب وتتحول لتراب ...الدود هياكل ملامحك ...... مش هتشوفينى يا مرايا تانى ......اية رايك يا مرايا ؟؟ وانتى اصلا مالكيش رايى .... حينما اعود للتراب سوف يكتب على شاهد قبرى (سارة على ) لا ( هنا يرقد المغفور لها (سارة على ) ...... سارة على ::::::: هل تسمعينى بوضوح ؟؟؟؟؟؟

اسمعك ازاى انا مت خلااااااااااااااااص ...... اة مت انت مبتعرفش تقرا عربى ...........انظر فيما كتب ........

حينما اموت يا حبيبى لا تودعنى ..... فوداعك لا يزيدنى شيئا ...... ستتركنى هنا كما تركونى جميعا ..... ساظل اسمع خطواتك لاخر العالم ....... لن استطيع كتابة ابيات الشعر لك ....... ولن تغنى لى اغنيتنا المفضلة ...... اتسالنى ان اصف لكى قبرى والموت ؟؟؟؟؟؟؟؟؟؟؟؟؟ لماذا ...... من ياتى هنا لا يرجع مطلقا ..... ساظل حبيسة الكفن ...اتململ فى خيوطة البيضاء الملوثة بتراب الموتى السابقين .....ساظل اعبث بخصلات شعرى الفاحمة ..... لياتى الدود ليتركنى مسخا..... لو رايتنى الان يا حبيبى .......لن تحبنى ابداااااااااا....... بالتاكيد انت الان تعبث باوراقك لتكتب قصيدة لحبيبتك الجديدة ........اااااااااااااااااة ......لا تنسى اشترى لى بضع زهور واهية وابعث لى معها بقصيدة رثاء ........ لما تضحك ؟؟؟؟؟؟؟ عندك حق .......انا هنا لن اقرا شيئا .......انى موهومة ايها المتصنع البكاء ......نعم تصنعت البكاء يوم وفاتى ......شعرت بك ...تلمسك دموعك الزائفة ......لقد امتصها كفنى ........وقعت دمعة كالجمر على وجهى ..........الم تكن تحب وجهى وتكتب فية دواوينك الخادعة !!!!!!!!!!!! ........روح روح يا بنى انا مت خلاص

عودة...... انا اهو مت خلاص وخلاص جوة الكفن الابيض بتاعى ...... كلهم بيعيطوا ما عدا الست الرخمة دى ......هههههههههه متعيطى حتى العياط مستخسراة فيا .... ....... نظرى حديد وسمعى حديد سامعة كل حاجة .....ياااااااااة مكنتش الحياة واضحة واحنا فيها .....اول ما سبتها بقت رااااااااااااايقة وهااااااااااااااااادية ووااااااااااااااااااضحة ...... تصوروا النهاردة بس عرفت مين كان بيحبنى بجد ومين كان بينافقنى ........ ههههههه حتى البت جارتنا كانت بتحقد عليا ...... اول مرة اعرف كنتى دايما محسسانى انك ملاك .........مفيش ملايكة على الارض ...... انا اهو بيصلوا عليا فى المسجد .......عارفين برغم صعوبة الموت وسكراتة بس اجمل شىء انى بقيت عند ربنا .......هنا مفيش كدب ....مفيش نفاق .......مفيش بشرررررررررررر......يااااااااااااااااة اخيرا تحررت من شهادة الميلاد ......والبطاقة .......كارنية الكلية ........بس الا صحيح كل دة هيروح لمين ..........مين مين ؟؟؟؟؟؟؟؟؟؟ حطوا كل حاجتى فى صندوق .......اذا وجودى المادى الدنيوى "صندوق"!!!.......بيقولوا مت فى حادثة ...... كنت بعدى الشارع .........هوووووووووووب داستنى عربية....... يااااااااااااااااة مع انى باخد بالى اوى وانا بعدى !!.............بس ومالو دة قدرى ونصيبى ... صحيح اخر حد شوفتة ؟؟؟؟؟؟؟؟؟؟ مش فاكرة اوى ......

عوووووووووووووووووووووودة .......مين اخر حد زعلتة ؟؟؟؟؟؟؟ اخر حد اخر حد ....مش عارفة ؟؟؟؟؟؟؟على العموم معدش مهم .......انا رحت اهو......رمونى فى القبر اينعم بيعيطوا .......ااقصد حطونى فى القبر ....خليكى زوق بقى ههههههههه اختارى الالفاظ ......حاااااااضر حتى وانتى ميتة لمضة وغلسة........ وتنحة كمان ههههههههههههه الحمد للة متجة ناحية القبلة ...... مين اللى جنبى دة .......اكيد حد ميت ههههههههههه طبعا امال صاحى ونسيوة ههههههههههههه...... الا صحيح تصدقوا نفسى فى مج نسكافية وواحدة جالاكسى ؟؟؟؟........ههههههههههههه اية مفيش ......ويا ريت بقى شريحة بيتزا خضار ههههههههههه منين دومينوز عشان مبحبش بيتزا هت .........هههههههههههههه اية يا بنتى مفيش هنا اللى بتقولى علية ......... طيب المهم مبحبش اى حاجة من مؤمن .....كل سندوتشاتة زيت يععععععععععع ....... ولا كنتاكى ........ كلة زيت برضو ...... فكرتونى بحكاية الزيت ......هههههههههههه

نفسى اروح الملاهى ....... دريم بارك ...... سلااااااااااااااااااااام مؤقت جارى التحديث وسط التهييس ههههههههههههههه

عوووووووووووووودة.... فين الكتاب اللى كنت بقراة ؟؟؟؟ ياااااااااة اخدوة منى ؟؟؟؟ مكنش كتاب فلسفة..... ههههههههه بيقولوا ان دماغى ضربت منك يا حياتى يا فلسفتى هههههههه بيقولوا انى هوصل لحافة الجنون وانط جواها ........ههههههههههه انا نطيت من زمان اصلا ..... بيخوفونى من التفكير والبحث ......هههههههههههه مساكين يا بنتى مش عارفين متعة انك تسرح وتتخيل وتفكر .......ههههههههههههه اهم شىء التامل ........ تعالوا اقولكم ازاى تدرسوا فلسفة صح ....تعالوا

اول بداية للفلسفة كانت التامل ....... مذهب من مذاهب التفكير فيما حولك ...... كيف اتامل ؟؟؟؟؟؟؟ اكيد مش تتنح يعنى هههههههههههه صحصح معايا ..... عشان تتامل صح لازم تنقى وتصفى المصفة اللى فوق رقابتك اللى هى مين ؟؟؟؟؟؟؟ اللى هى دماغك ههههههههههه نصفيها ازاى اكيد مش هجيب فلتر ....... عشان ذهنك يكون نقى لازم ميكونش فى شىء مضايقك ........ مسترخى تماما ...... انا ليا ركن مفضل فى بيتنا .... وكل واحد والركن اللى يريحة هههههههههههههه ....... الخضرة والزرع هما اكتر منظرين هيخلوك متفاءل جرب ........ لو البصل الاخضر مريح اكتر لعنيك ....ههههههههههههههه ازرع بصل اخضر .......... اهو هتستفاد منة بعد كدة ..... فى شم النسيم يا عبيط هههههههههههه هتاكلة مع الفسيخ والرنجة .........لو بتقرف يععععععععععععع

لازم تكون ملابسك معبرة عن الراحة ....... الملابس القطنية الافضل ..... اكيد مش قطن مصرى لانة متعذب وبياكلوة لسمك البحر هههههههههههههههه ........ سروال فضفاض ويستحسن بتاع اليوجا ......... مش عارفة هات اى بنطلون بيجاما هههههههههههه كاستور ههههههههههه ومالة يا بنى حد لاقى بكرة يصدروة ههههههههههه ومعاة قميص فضفاض برضو ....... الالوان الفاتحة المبهجة ...... اكيد مش اورانج هههههههههههه دة لون يتلبس ههههههههههههههه ...... اول جلسة يوجا صحيحة هى جلسة الكاتب المصرى القرفصاء اللة يرحمة الراجل هههههههههههههههه كان فى عهد الفرعون ؟؟؟؟؟؟انا فاكرة تقريبا تحتمس ولا معرفش اخوة توت عنخ ابن امون هههههههههههههههههه

اية اللى بقولة دة كفاية عليكم كدة ........... يمكن احدث تانى عشان ارجع اكملكم التامل .....

عووووووووووووودة... بذمتك يا بنى دة سروال تتامل بية........ههههههه الموضة مرفوضة يا جدعان لا واقع ولا الكلام الفاضى دة .......وانتى يا بنتى روحى غيرى البنطلون دة ...... لا يا اختى شالى ستون ولا شارون ستون ........ مع الاعتذار للحاجة ام ستون وولادها ههههههههههههههه ........ التامل ان تنقى ذهنك لابعد حدود المعقول واللامعقول ......... وعشان نركز تعالوا معايا نعمل التمرين دة ....... خد نفس عميق ........عميق ........اكيد مش نفس شيشة هههههههههههه التدخين ممنوع يا بشرررررررر كفاية بقى وطلعة بالتدريج عد معايا ....... واحد .......اتنين .....تلاتة ........ خلاص طلع النفس ...... حاسين باية ؟؟؟؟؟؟؟؟ تركيز مش هتعرف تسرح ولا تنام ......... تمارين التنفس من اكثر الطرق حفاظا على حالتك التاملية والفكرية النقية ........ ودة كان احدى تمرينات التنفس ......التنفس لة عدة فوائد .... بيمنع ظهور امراض القلب والرئة ...... دة لو بتتنفس صح يعنى بتاخد نفس عميق ....الهوا ببلاش يا جدعان محدش هيحاسبك علية ........ولا هتقف فى طابور عيش عشان تاخدلك ازازة ....... لكن لو انت من طلبة طب بيطرى القاهرة او مقيم فى ميدان الجيزة ........نصيحة اوعى تتنفس اصلا لانك هتعيا وتموت بدل ما تحافظ على صحتك هههههههههههههههههههه

كانت معكم من خلف جدران المشرحة ااقصد المدافن الماسوفة على شبابها اللى يا عينى ملحقتش تعمل حاجة فى دنيتها ....... (سارة على ) ....... تتحدث بكل تهييس وراحة امتحان التدريب سلاممممممممممممممممممممممممممممممم

"الى متى ساظل وحدى بدونك !!!!!!!!"

تنكرنى وانكرك فى سماوات الوجود.... اتيقن انى وجدت صوتك يداهم اذنى فى صمت ...... لاجدك شبح يراود نومى ..... اتقلب فى قلق وحنين .... اصحو لاشاهد حبك المترامى الاطراف يحبو .... ينمو ...... يصبح ذاك الطفل الصغير ..... فاعود لاتذكر كلماتك ... واعود مرة اخرى لاقرا ميثاق نكرانك لى !!!!!!!!........ عبثا نحيا حبيبى .... فالحب يدرك كلانا ليعذب اهاتنا فى تنور الحياة والمشاعر المتناقضة

تعلمنى دوما عنيدة فى حبى..... احبك واتململ وسط طرق الفراق المضنى ..... اهرب من وجودك لالقى باحساسى فى هاوية الوحدة ..... هناك بنيت لى كهوف العذاب ...... بجوار فراشى صورتك ... نافذتى هى عينيك ...... ابوابى هى كلماتك المترددة دوما فى اذنى ..... تعويذتى هى حبك القديم ..... اصحو من نومى.....ارسم صورتك كحل عيناى ..... احرر خصلات شعرى السوداء لتلامس عبير ذكريات وجودك .....اتوضا فى دموع النسيان ........واعود لاراك مجدد!!!!!! عجيب هذا الحب وعجيب انت حبيبى وسط النسيان اشعر وجودك اقرب الى .........حتى الاشباح صارت تمتلك ملامحك .......لم اعد ارى الفرق بين وجودك وعدمك!!!!!!!

افتح صندوق ملابسى لاجد خيوط اثوابى تغمرنى ......تتخلل روحى فى انين ....... تستحلفنى ان نعود لعهدنا القديم ........فاغلقها فى اصرار فانت كما كنت تعلمنى دوما عنيدة ........

افتح نافذتى المغلقة لتحتضننى نسمات كيانك فى صمت ......اصمت وابكى .....واعود لاغلق ابوابى جميعا .....لتظلنى انفاسى متمردة على عنادى ....... تتجمع اهاتى فى الحجرة معلنة حضورك دون سابق انذار .......اهم بفتح الابواب والهرب ........لاجد كل الابواب ابوابك !!!!!!!!!

يقترب حبك من يداى ....ارتجف ....نعم ارتجف .......فانا احبك واخاف حبك ....... اخاف وجودك واحتاجة ...... متناقضة المشاعر انا الست كذلك ؟؟.......... فترد عليا بالنفى .....وتستشعر اذنى الكلمات " بحبك"....... اخجل واتمرد على ضعفى فى حبك .......... فتعاندنى اذنى ..... تحاول الهرب منى ..... فهى تحلم بذاك اليوم منذ خلقت انا على هذا الكون .......

اصحو لاجدك سراب ..... ابكى فتعاودنى الذكريات ...... ارحل بحور الغربة لارى الانهار "عينيك "..... ابحث عن قاربا ...... فاجد"راحة يديك "...... حبك شراعى ..... كيانك مرساى ....... واظل ابحر فى بحور النسيان ولكن الى متى ساظل وحدى بدونك !!!!!!!!!!!!!!!!!!

فهذة انا يا حبيبى تجمع للصمت الكونى .... اهواك فى صمت ...... اتركك فى الم وسكون ...... ولكنى اظل اعشقك بجنون .............

"حوار فلسفى بين ذاتى والبشرية " ....... كتاباتى الذاتية

ازيكم يااااااا بشررررررررررر واللهى يا جدعان انا شفت ان فكرة اليوميات دى مش عاجبانى وحسيت انى ببعد عن الكتابات الادبية فقررت اغلق المسلسل ههههههههههههه وسرحت العالم اللى شغالين فية كمان هههههههههه وبعدين مفيش احسن من الكتابات الادبية وحاليا فى مشروع رواية بس دة على الورق ومعرفش ينفع تنزل على المدونة ولا لا دة راجع للظروف ... صحيح من موقعى دة بقولك يا سمسمة صاحبة مدونة (بحبك يا مصر) انى فعلا بحبك فى اللة اوى وانك كنتى سبب رئيسى انى رجعت للتدوين وغيرت فكرتى عن الاعتزال هههههههههه كنتوا هترتاحوا منى بس رجعت ...... صحيح دى بقى كتابات فى غاية الغموض انا بقولكم اهو بحذركم ههههههههههه .............

غبت فى دروب المجهول العبثى تارة انجح فى الرحيل عن ذاتى التائهة واخرى تتشابك خيوط فكرى لتصنع منى ذات الدمية الخشبية الصامتة ، قررت كتابة مسرحية الوهم المنشود ، بعيدا عن خصال البشر البعيدة كل البعد عن ذات الانسان ، هل يعلم البشر حقا معنى كلمة "انسان"؟! لا اظن ذلك ..... اتعتقدون انى المجنون فى سماوات الاحياء ؟ ام انى الحى وسط سماوات الجنون؟ ؟

رد على الكون فى رياء .... نعم رياء ..... حينما اطلق على البشر بشر ..... والحقيقة انهم سعوا للتخلص من سمات البشرية والانسانية فى ان واحد ..... اتتنى ضحكات شخصى الدفين وسط الالام الفكر " هاهاهاهاهاها" لازالت تحلم بالصفاء والمثالية والكمال ؟؟! ..... الم تتعلمى من السابقين "لايوجد كمال فى عالم البشر ...... لذا لا يجب عليكى تحمل اهوال البحث المضنى .......

صمت يراود فكرى ومشاعرى .......... اذا دعنى ايها الشخص الجبان المدفون وسط تراب السنين .....نعم دعنى انظر فى صفات البشر الحالية ......اترك بقعة الكمال والصفاء والمثالية ....... اطرحنى ارضا فى عوالم الحقيقة الواقعية .... او اقتلنى على ابواب مدن الفكر المضنى لاصبح شهيدة المحاولة والبحث عن خصال البشر ..... احقا ظل لهم خصال ؟ ام انهم تملصوا منها منذ زمن بعيد ؟؟!

اعتليت ذات المسرح الحياتى المقيت ...... القيت بكتبى واوراقى وافكارى المجذوبة ..... تحررت من روح الانسان والمنطق .... استدعيت من يماثلنى على الارض من ذات الفئة المسماة " بشر"....... وجدتك ايها الشخص الدفين تكاد تموت من شدة الضحك ...... وداربيننا ذات الحوار .....

انا : من انت ايها الجبان المدفون فى اعماق نفسى ؟

الشخص الدفين فى احشاء فكرك ايتها الموهومة ..... لى سؤال لكى ؟

انا : اسال

لما اطلقتى على ذاتك اسم "البشر والانسان " وحلقتى فى سماوات " انا" ان كنتى تخشين البشر وخصالهم ؟؟!

انا : ربما لانى لم اجد سواهم ليدرج اسمى بينهم !!

لم تروقنى اجابتك المهزوزة ..... هاهاهاهاها ..... لازال شخصى مسيطر عليكى

انا : لقد قتلتك داخلى منذ زمن ..... اصبحت اقوى الان

قتلتنى ام تظاهرتى بقتلى ؟؟؟؟؟ لا اظنك اجهزتى على روحى .... لازال قلبى ينبض فى افكارك .... دمائى تجرى فى مخيلتك.....لازالت حاجتك للغموض تقتلك .....

انا : اااااااااااااااة اتركنى وارحل لقد احرقتك مع تنور فهمى لمصطلحات الوجود والعدم ..... مزقتك مثل كتب الفلسفة التى لم تدركنى كيف اتعامل مع هؤلاء البشر

هههههههههههههههههههههههه جعلتينى اضحك للابد ........ انتى موهومة .......لا استطعتى قتلى ولا استطعتى فهم البشر والاكثر اهمية انك قتلتى فكرك وذاتك قبل لحظة فهمك لهما ........... تحياتى لكى و لكنك ستجدى الكثير والكثير ممن يشبهونك فى عوالم الفكر المضنى لذا لا تقلقى ستجدى لتلك المسرحية ممثلين فى قمة البراعة .......... سلاااااااااااااااااااااااام

انتظر .............. ولكنة غاب فى لحظات ليتركنى اعود للتفكير المضنى

" اخذت سكين الايام ... حررت جسدى من الخوف والافكار.... ترقبت معصمى فى قلق ..... بحثت عن اى بارقة ظهور لاوردتى .... احاول عبثا قتل اوردة روحى المحلقة فى سماوات التائهين !!....... وجدتة ..... اخمدت السكين لازهق انفاس روح التفكير ..... لاجد اوردتى وهم ... جسدى تناقض ....... عقلى جنون...... ووسط كل هذا ..... تذوقت طعم الالم من انهار الروح .... لاخر نبضة فى قلب الاوراق اهوى لاترقب اخر كلماتى فى دنيا البشر ... ا ل و ه م الوهم .... لاسقط فى دوامة الوجود فى ذات الهاوية العميقة لروحى القديمة "

كانت معكم( سارة على) من خلف اوراقى الفلسفية اكتبها لاقراها لذاتى ولا اعلم هل فهمنى الاخرين؟؟؟؟؟؟؟؟؟؟

"يوميات سوسة الطفلة المعجزة فى الحضانة ريسة ............الحلقة التامنة

رجعتتتتتتتتتتت على قلبكم يعنى صحيح هزعل لية هما الخسرانيين ....... الصراحة ان جيجى اختى مسابتنيش الا لما موتتنى من الضحك لا وعملت اتصالاتها وطفشت ابراهيم شوية قالتلة انزل عشان عاوزين نعمل بارتى بناتى ههههههه وجابت كل صحبتها وفجاة لقيت الهكسوس جم وراسهم والف سيف اخرج من اوضتى وابطل عياط هههههههههههههههههه اية دة انا اصلا كنت بعيط وعاوزة افرغ شحنة الغضب اللى لا بتخلص بالجرى ولا النوم والهروب ولا اليوجا ........ فضلت ساعتين قافلة على نفسى وبصلى واعيط واكلم ربنا حسيت انى فوقت فعلا وهوووووووووووب لقيتهم فوق دماغى .... ولقيتلكم الاغانى اشتغلت اية يا جدعان انا مخنوقة ..... مفيش فايدة جيجى مصممة ههههههههه لا وشغلت الاغانى اللى بحبها ..... لئيمة يا بنتى ههههههههههه ...... ولقيت الجروب كلة .... يا سوسة احنا برضو صحابك غصب عنك ....هههههههههه عيال دماغ واللهى واذ فجاة الاقى جيجى بتقولى بعد انتهاء البارتى ...... يلا بقى ادخلى مدونتك و متبقيش غلسة ...... واللهى يا جدعان لما دخلت ولقيت تعليقاتكم حسيت ان فى ناس فاكرانى الواحد فرح ........ ندخل بقى على المسلسل

تبعا لقواعد الشقاوة والمقالب ولانى زعيمة حزب كيف تبدع فى عالم المقالب ......هههههههههه كنت وانا صغيرة تحفة تحفة اوى ههههههههه النهاردة بقى حلقة وانا فى الحضانة ........

اليكم موقفى فى اول يوم حضانة .... كنت التلميذة النجيبة فى حضانة مدرستى (مدرسة التجريبية الخاصة للغات ) المشكلة انى دخلت وانا عندى اربع سنين كانهم عايزين يخلصوا منى هههههههههههههه..... المهم انى طبعا كنت عاملة فرح

ماما زوزو : يلا يا سوسة عشان نروح نشترى حاجة الحضانة

سوسة : اية دة انتى عاوزة تروحى الحضانة؟

ماما : لا مش انا انتى ...

سوسة : تو تو مش هروح

ماما : البنات الحلوين يروحوا الحضانة

سوسة : طب وتيتة هسيبها لوحدها مع رشا ومحمد ولاد خالتى هما كمان يدخلوا الحضانة ماليش دعوة

ماما : هيدخلوا

سوسة : لا يدخلوا وانا اروح عند تيتة ॥ لا يا زوزو انتى روحى معاهم الحضانة

ماما : ساااااااااااااارة هتروحى يعنى هتروحى

سوسة : نظرة طفولة ماكرة جداااااااااااااا (اة دة انتى بقى بتاخدينى على قد عقلى فاكرانى هبلة لا يا اختى مش رايحة ورينى هتودينى ازاى كل دة فى سرى )

ماما : هنروح ؟

سوسة : ايوة يا زوزو

فى السكة .......... ماشية مستكينة وعمالة اضحك وانا بقول فى سرى ( بس اما نوصل المحل ) هههههههههههههه

ماما : يلا هنشترى المريلة واللبس

سوسة : فتحت فى العياط ............ ماليش دعوة عاوزة ايس كريم .......... ماليش دعوة

ماما : البنات الحلوين ميعيطوش فى الشارع

سوسة : سكت شوية ........ احنا فى المحل مش فى الشارع

ماما : طب هنشترى الحاجة ونروح ناكل ايس كريم سوا

سوسة: مش عيب عليكى تاكلى ايس كريم وانتى كبيرة كدة هههههههههههههه

ماما : خلاص هجيبلك انتى بس يلا يا لمضة ........

برضو جابت الهدوم مصممة طول عمرك يا زوزو ............. انا بقى طول عمرى روشة اة واللهى احب اعمل شعرى بطرق مختلفة ومحبش اقلد حد ...... رحنا نجيب التوك ........ لا دى مش عاجبانى رشا جايبة زيها

طب ومالة يا سوسة ؟

عاوزانى اجيب حاجة حد جايبها ؟

طيب يا لمضة ......

دوختها ههههههههههه وجيبت اللى عاوزاة

فى البيت .......... ولاد خالتى جم عندنا

رشا : هتروحى الحضانة وتضحك .....شمتانة فيا طيب

سوسة: خالتو سونةخالتو سونة

خالتو ": ايوة يا سوسة

سوسة : امتى رشاهتيجى معايا الحضانة ؟

خالتو : قريب

سوسة : طلعتلها لسانى ......هتروحى معايااااااااااااا ههههههههههههههههه

مسكنا فى بعض وخناقة لرب السما

اول يوم فى الحضانة .............

بابا : يلا يا سارة عشان اوديكى الحضانة والحق اروح انا شغلى

سوسة : لما ماما تغيرلى التسريحة دى مش عاوزة ضفيرة عاوزة ديل حصان اللى وريتهولك عاوزة اعمل شعرى كدة

ماما: يا لمضة وتضحك

بابا : بيزعق........

انا بقى خلصت واخدت شنطتى وعاملة فيها مهمة وفجاة اعيط مش عاوزة اروح وبعدين هتسبونى لوحدى هناك ؟

بابا : هتلاقى هناك عيال كتير

سوسة: طب يلا بينا

اول ما نزلنا الشارع ..........

سوسة: قعدت على الرصيف وراسى والف سيف ممشيش

بابا :طب اجيبلك ايةوتمشى ؟

سوسة : مش عاوزة امشى انت بس امشى

بابا : ازاى يعنى

سوسة : انا على كتفك وانت امشى

بابا : يبصلى بغيظ ........ طيب وهوووووووووووب على كتفة وانا طبعا فى قمة الفرحة هههههههههههههههههه

سوسة : تعرف يا على المنظر من فوق احلى ههههههههههههههههه

بابا : كمان يا على ....... ومالو يا هانم ويضحك هههههههههههه

فى السكة وصلنا لبيت تيتة ....... اصل المدرسة كانت جنب بيتنا ايام ما كانت لسة مكان(مدرسة الخليلية سابقا ) بعدها نقلونا لبورتوفيق

المهم .......... بابا تعالى نسلم على تيتة

بابا : هنتاخر ؟؟؟؟؟؟؟

سوسة: كدة يا على عاوزنى افوت على تيتة ومسلمش هقولها عليك ........ ههههههههههههههه

بابا : طيب

فوتنا عليها وفضلت انا اعيط وهى تعيط بس فى النهايةمشينا

وصلت المدرسة ............

بابا مشى ........ طبعا لما صدقت يا على تخلص منى لكن على مين انا على قلبك هههههههههههههه

وصلت الفصل .........

الحقيقة منظر العيال كان مش مريحنى تحس انهم عفاريت يعنى من الاخر كانوا زيى هههههههههه كنت بدور على وجة برىء ومش ماكر ملقتش فقولت يلا نحاول نسترزق ونتبع قواعد فرض السيادة ههههههههههههه لازم يا سوسة تبقى البيج بورص عشان محدش يعمل عليا ريس كفاية زوزو هى وعلى ........... ههههههههههههه

المهم قعدت ويومها ماخدناش حاجة ...... وجت الفسحة المهم طلعنا الحوش وسيبت عادى شنطتى مع ان ماما قالتلى متسيبهاش بس انا طبعا عملت العكس عشان اعرف هيحصل اية يعنى لو سيبتها ..........

رجعت ملقتش حاجة فى الشنطة .........

كمان فى محطة مصر بتقلبونى اية دة .......ههههههههه بصيت للى جنبى وقولتها مشوفتيش حاجتى ؟

لا مشوفتش ......... بس فى تعبير على وشها بيقول طبعا شوفت يا هبلة

جلست مستكينة ومن جوايا بغلى ..........." مش انا اللى اتسرق "........بس اهى خلصتنى من السندوتشات عملت فيا معروف الشىء الوحيد اللى مش هقدر اسيبهولها الشيبسى

المهم الموضوع اتكرر كتير وانا اتخنقت وجيت فى مرة دخلت المطبخ لماما ........

سوسة: نظرت لقطعة صابون مواعين كانت فوق الحوض

ماما : مالك يا سارة ؟ خلصتى الواجب ؟

سوسة : عارفة يا زوزو اة عملتة بس كنت عاوزة اسالك على حاجة ؟

ماما : اية ؟

سوسة: لا مفيش ....... قولت لو قولتلها هتبوظ خطتى وكدة مش هقدر انتقم من البت ..... الخطة كانت .... حسيت ان صابون المواعين دة لونة زى لون الجبنة الرومى اللى ماما بتعملى منها شندوتشات فقولت هيحصل اية لو حطيتها بدل الجبنة ؟ وطبعا مهى البت بتاخد السندوتشات علطول منى والصراحة هى بتخدمنى وبتخلصنى من السندوتشات بس دى زودتها وبقت بتاخد السيبسى بتاعى ...... بس ازاى اخلى الصابون شكل الجبنة الرومى .......دةمحتاج سكينة واوصل لها ازاى ؟

جبت كرسى دخلتة الكرسى الصغنن بتاعى ......... المهم معرفتش برضواوصل .... رحت قولت لازم افكر تانى ؟

سوسة: دخلت لبابا الصالون ...... ماما كانت بتاخد شور ......

سوسة: يا بابا الحق ماما قالتلى عاوزاك تجيبلها الصنية بتاعة الخضار ومعاها سكينة وتوديها البلكونة هتخرج تعمل الاكل

بابا : طيب ادخلى انتى اوضتك اعملى الواجب

سوسة : حااااااااااضر

طلعت تانى لقيتة ودى الحاجة البلكونة وفعلا رحت اتسحبت واخدت معايا الصابونة وقطعت الصابونةحتت ههههههههههههه رجعت السكينة مكانها وكان مفيش حاجة حصلت هههههههههههههههه

ماما طلعت من الحمام ..... بابا بيكلمها يقولها يلا هتعملى الاكل ؟

زوزو: اة اهو هروح اجيب الصنينة بتاعة البطاطس واروح اقشرها

بابا : لية ما سارة قالتلى اودهالك البلكونة

ماما : غريبة !!!!!!!!! راحتلى اوضتى طبعا كنت خفيت اثار الجريمة وقاعدة بعمل الواجب

ايوة يا زوزو ازيك اة صحيح انا قولت لبابا يوديلك الحاجة البلكونة بس يا زوزو كدة ممكن تعيى عشان الهوا مش انتى دايما متخلنيش ادخل البلكونة بعد الشور .......

ماما تبصلى ومستغربة ......... رحت اديتها بوسة وضحكت ...........ههههههههههههه

طبعا اثار الجريمة كانت فى مكان امن لغاية ما تانى يوم اروح المدرسة واحط الصابون مكان الجبنة بس فى حاجة ؟؟؟؟؟

لازم اعمل تموية يعنى ماما تحطلى زتون كتير عشان البت متاخدش بالها

زوزو حطيلى زتون اكتر ....

ماما ..... حاضر .....

رحت مسكت ايد بابا وخارجين من البيت وطبعا معالم الفرحة على وشى ...........هههههههههههههههه

وفعلا الاخت كلت سندوتشات الصابون ههههههههههههههه الغريبة انها محستش بحاجة ولا تعبت دة اللى كنت مستغرباة ولا حتى جت سالتنى انتى مامتك كانت عاملة سندوتشات اية ودة خلانى اروح اسال ماما تانى على الصابون هههههههههههههههه ويومها عرفت ههههههههههههههههه وفضلت تزعق.............. وانا كنت زعلانة لانى محستش انى عملت المقلب اللى كنت عاوزاة ماخدتش بتارى هههههههههههههههه

الحلقة انتهت ........ صحيح هروح اعمل نسكافية واظبط حاجات فى البيت وارجع تانى المدونة عشان ارجع ارد على تعليقات البوست اللى فات هتوحشونىىىىىىىىىىىىىى بس هرجع اكبس تانى على نفسكم هههههههههههههههه

"لا ادرى متى اعود"..........

حاسة بحاجات كتير ........حاسة انى غلسةةةةةةةةةةة ااااااااااااااااوى .......حاسة انى عاوزة اعمل حاجات كتير فى حياتى ومتكتفة ............. بكتب كتير عشان هودة الللى انا بخرج فية مشاعرى ... بحلم كتيررررررررررر وزهقت من النوم عشان احلم .............لو كنت ضايقت حد فى عالم التدوين متزعلوش منى ........... عاااااااااارفين انا محتاجة فترة مع نفسى لانى اتخنقت من نفسىىىىىى ااااااااااااااوى .....ممكن اغيب عنكم شوية وممكن تلاقونى تانى يوم بنزل مليون بوست ..........انا مخنوقةاوى يا جماعة انا بقالى فى الدنيا دى من سنة 1986 يااااااااااااااااااة كتير اااااوى كل دة ومطلعتش بصاحبة واحدة حتى انتى يا تيفة يلا طلعتى صاحبة المصلحة وكما قلت فى حلقة سابقة الصحاااب طلعوا مقلب يا منزززززززززز ومالناش غير ربنا

اقولكم ادعولى ....... مش عارفة هرخم عليكم تانى ولا هغيب شوية ........اعذورونى محدش يزعل منى اسفة لاى حد كتاباتى ضايقتة ولو انى مسمعتش عن دة فى تعليقاتكم بس بطمن قبل ما امشى

عااااااااااااااااااوزة اعيط اوى ...... كان نفسى احس بجد صحابى ويحسوا بيا بس الحقيقة طلعت انى كنت موهومة ......سلاااااااااااااام

"يوميات سوسة فى بيطرى المنحوسة .......... الحلقة السابعة "

اهلا يا بشرررررر معاكم سوسة من خلف الميكروفون ...... اموت انا فى الاذاعة والراديو .... كان نفسى ابقى مذيعة راديو ومعدة برامج اذاعية واقعد ارخم ارخم على المستمعين هههههههه محبش التليفزيون ..... مفيش احسن من الراديو هههههههههه ... صحيت سوسة النهاردة زى القردة بتتنطط من الفرحة ومش عارفة السبب ومش عاوزة نق وار واخواتهم الحسد والحقد يا حقوديييييييييين هههههههههه فتحت الراديو على اذاعة صوت العرب ...... وجت اغنيتى المفضلة" حلاوة شمسنا وتقل دمنا .... والتناحة فننا ..... والعبارات بتغرق فى عصرنا ... يا ماكلين السمك ومتغذى من اهلنا " ....... مع الاعتذار لفرقة رضا ههههههههه ........يلا هنعمل اية يا جدعان الدنيا مبقتش زى الاول والخيرقل .... وافتكرت حادثة العبارة ولقيت نفسى بعيط ... البت سوسة حساسة وركيكة جدااااااااا يلهوززززززززز انا بغلى مية على النار ........ عملت النشكافية التمام ااااااااااوى ... خبيرة فى عمل النشكافية ... ركنتة فى المطبخ وقمت مشغلة الة المشى الرياضى على البرنامج بتاعى نص ساعة مشى براحتى .... هيما اخويا صحى......." ازيك يا بت ؟..... فين الفطار ؟....... انا هستناكى كمان ؟........ الفطار فى التلاجة يا هيما ...... حاااااضر يا سى السيد ......ههههههههههههههه ..... طيب يا امينة هدخل اخد شور اطلع الاقى الفطار والشاى بتاعى ....... شااااااااااااى مش الهباب النسكافية .......... وهووووووووووب لقيتة داس على زرار تسريع السرعة ......... يااااااااااا ابنى ........رجع السرعة على خمسة هموت ...... اجرى شوية كفاية مشى ...... هيما ربنا ما يجريك على الة ..... رجع السرعة ......هههههههههههههههههههه ......... بكرة اخليهم يجيبوا عجلة انا بحب العجلة الرياضية ......... بس بقى كمان شوية دة كدة بابا هيولع فينا هههههههههههههه...... لقيت تليفونى المجرور ااقصد المحمول بيرررررررررررررررن اية دة دى عواطف ......

الو الو الو

اصتبحى فى يومك المهبب

اية يا عواطف مال مودك زعابيب كدة ؟

صحيت على كارثة يا ناصحة ؟

اية الكلية هدوها ؟।

ودى هتبقى كارثة دةانا كنت عملت فرح ...... واهو الواحد يتجوز بقى كفاية خطوبة سنتين ......

مالك بجد ؟

لازم ننزل المحروسة النهاردة ااقصد الكلية المهببة عشان ندفع فلوس السمر كورس ولا انتى فاكرة انك هتدفعى تقسيط ؟

ياااااااااة فكرتينى ماما سايبالى القرشنات ... اقصد المبلغ وقدرة

طيب هاتى المعلوم وتعالى يا برعى واوعى تتاخرى وتقوليلى نقلوا شارع الهرم لوسط البلد المرة دى ....... هههههههههههههه

طيب يا هارتى

سلام يا هبلة

ياااااااااة يا سوسة ...... هنزل المحروقة كمان النهاردة وهيصادروا الفلوس ...... يلا ...... اديتها طقم كاجول عشان ماليش نفس لكلاسيك ......... وبعدين جاء دور التحجيبة ....... كنت ظبطت فطار هيما ......

هيما : فين الفطار يا بنتى ؟

سوسة : اهو يا بنى

هيما : كويتى هدومى ؟ هنزل مع اصحابى ...... الهدوم اتكوت

سوسة: علم يا ريس ...... وفى الدولاب .... صح متقلبش دولابك تانى عشان المرة الجاية هشد شعرى

هيما : يا بنتى انا اقلب وانتى تروقى ...... ضحكة ساخرةجدا

سوسة : انتى فين يلى هتغلبى ترويق .....هههههههههههههه بقولك اية انهى تحجيبة احلى دى ولا دى ..... اعملها كدة ولا كدة ؟

هيما :ايش عرفنى انا ....... اى حاجة بقى .......

سوسة : كدة يا هيموكس(دة الاسم الدلع التانى وكلها ادوية وانتوا طيبين ) هههههههههه صحيح فين النضارة اللى بتخليك شبة توتو حسنى ؟ يا رب تكون ضاعت هههههههههههههه او اتكسرت

هيما : متقلقيش طالما مش عاجباكى يبقى هديها توتو حسنى وحسن حسنى سوا ههههههههههههه

اخدت بعضى بعدما ظبطت لبسى ونزلت ...............

فى الكلية....

عواطف : شكلى هفركش خطوبتى .... حرام بقالى سنتين مخطوبةهتجوز امتى ؟

سوسة : متقلقيش عشان تدرسى اخلاقة كويس هههههههههه

عواطف : انا حضرت دراسات عليا فى اخلاقة كفاية كدة

سوسة: خلاص اعملى زى شلة " حديثى الزواج" اتجوزى وكملى وانتى وحظك بس طبعا راعى بقى انك هتبقى تدخلى لجان الحوامل هههههههههههههههه

عواطف : بتتريقى ... مهو اللى ايدة فى المية مش زى اللى ايدة فى النار... متتخطبى بقى وافقى على اللى بيجولك

سوسة : يا بنتى دة نصيب وبعدين انا لسةهخلص وعندى مشاريع فى دماغى بس يا رب ماما متنفذش المخطط

عواطف : مخطط اية؟ هههههههه

سوسة : ماما عاوزانى اتخطب بتقول اللى هيتقدم ومناسب هتقنعنى .......

عواطف : ايوة عشان تحسى بمشكلتى ههههههههه

سوسة: طيب يا ناصحة ....... تعالى ندفع الفلوس ونظبط ورقنا فى الشئون

فى الشئون ...........

لو سمحت عاوزين ندفع فلوس السمر كورس ونسجل

التسجيل اتقفل

نعم ؟؟؟؟؟؟؟؟

دة امتى يعنى ؟

الست اللى فى الشئون سابت اللى بتكتبة وتقولى اة اتقفل روحى بقى اشتكينا للوكيل

فى سرى ( من الصبح بلطجة ........ اية دة يا اختى انتى بتكلمينى كدة لية بكرة ابقى دكتورة قد الدنيا وهاجى اوريكى الشهادة )

عند الوكيل .......

عاوزين اية ؟

اية المعاملة الجافة دى ..... هههههههههه يلهووووووووز محدش بيحترمنا فى المحروقة دى ربنا ياخدكم يا بعدة

المهم سجلنا بطلوع الضرس ورحنا نجيب حاجة من الكافتريا ونرغى شوية ........

امال لومكنوش بيلهفوا مننا كل الفلوس دى ؟؟؟؟؟؟؟

يلا يا سوسة هنعمل اية بس يا رب ننجح عشان انا اتجوز بقى واخلص

اية يا عواطف هو اية اللى هيحصل لو الجواز اتاخر يا بنتى عشان تفهمية كويس

يا سوسة يا هبلة كل ما طولت فترة الطفولة ااقصد الخطوبة كل ما زادت الخناقات ههههههههههههههه

بيتخانق معاكى لية ان شاءاللة

كل شوية يقولى عشان نتجوز واستقر فى السعودية بقى ...

يعنى اية عاوز كمان يغربك مالكيش حق يا تيفة مفروض تتمسكى برايك

اللى يسمعك كدة يا سوسة يقول عليكى شريرة وتبع ام الغضب فى بور رينجرز مع الاعتذار لابى الغضب طبعا هو و الست حرمة هههههههههههههههههه وانتى اصلا واللهى بلسم بلسم وشامبو اتنين فى واحد هههههههههههه

لا يا تيفة ابو الغضب كان فى مازنجر ههههههههههه اية يا بنتى معلوماتك الكارتونية غلط كدة لية انا اتنين فى واحد يا ظريفة طيب

متزعليش يا سوسة نفسويتى فى العميق خالص دة غير انى كل يوم اتخانق مع خطيبى

يا بنتى اية النكد دة لية تزعلية وتعملى مشاكل

اعمل اية بقى فاض بيا مش عاوزة حد يكلمنى عن الكلية ولا التخرج

وبعدين يا سوسة سيتك اصغر مننا كلنا يا بنتى انتى تبع فئة الاطفال وكويس واللهى ان عمو دخلك المدرسة دى وانتى اصغر سن كانة كان حاسس انك هتبقى معيدة هنا هههههههههه

تريقة تريقة اة انا صغننة يا اختى يا ساتر حقد حقد

المهم قعدنا شوية وروحنا ........ رجعت البيت لقيت كارثة حكيكية ههههههههههههههه

اية الريحة دى افتح يا ابراهيم ...... افتح انا سوسة

ادخلى يا اختى كنت بعمل شاى بس نسيت البراد على النار

كماااااااااان ..... كام مرة اقولك متحطش حاجة على النار وتدخل تلعب جيمز المرة الجاية هنولع .......

خلاص متعمليش عليا ريسة ادخلى اعملى الاكل

منا عاملة الاكل من امبارح يا بنى وكاتبالك تطلعة من التلاجة وتحطة فى الفرن لما تعوز تاكل

يوووووووووووة نظام الكتابة دة يا بنتى انا ماخدتش بالى ... وراح ضحك كدة حسيت ان فى مصيبة

مالك ؟؟؟؟؟؟

اصلى واقع فى مشكلة وحاسس انك الوحيدة يا سوسة يا حبيبتى اللى هتحلهالى

اااااااااة الفار كدة لعب فى دماغى ....... اية اللى حصل ؟؟؟؟؟؟

لا اصلى عارف انك لسة واخدة المصروف ويعنى بسلفك علطول خليكى حلوة وايدك على مبلغ كدة

اية دة حتى الاخوات المصالح شغالة ههههههههه يا بنى انا معييش مبلغ وقدرة يعنى بس قول عاوز كام ؟

طلعت عشرة جنية

نعم يا اختى هو انتى شايفانى بطوط هخرج اجيب شيكولاتة وشيبسى انا خارج يا بنتى مع صحابى

منا عارفة يا هيما انك مدكن على جنب يعنى طلع من تحت البلاطة بدل ما اجى اشيل انا البلاطة هههههههههههههه

هما تلاتين جنية

طيب هاتيهم ربنا مايحكمك على ولايا هههههههههههههه ااقصد على حد

وانتهت حلقة اليوم من المسلسل النتاوى الاذاعى القريب من الفضائيات وشاشات الشو تايم .......... بقولكم اية الحلقة الجاية هنرجع لمود الكوميديا الجااااااااااااااااامدة جدااااااااااااااااااا صحيح انا استبعدت ترشيحى لتوتو حسنى لبطولة المسلسل وقررت ترشيح حد تانى فلو حد فيكم شايف انوا عندة موهبة او اى حاجة عندة حنفية ........ معاة عشرة جنية مش عاوزهم ...... عندة عيال حتى وعاوز يسترزق بيهم فى الفاصل الاعلانى بتاع مسلسلى يجى هههههههه ......... الى اللقاء فى الحلقة التامنة .......... سلاااااااااااااااااااااام

"شكرا يا ابى ".... قصة قصيرة

كنت اعبث ببعض رسائلها المدونة على قلبى بمداد دمى .... اتنقل بين الاحرف المحفورة باتقان شديد حول اوردتى ..... اتملق الاحرف كى تصير كلماتها ....كى ترتدى ثوب صوتها ... لكن كل آمالى ذهبت مع الريح !!...... بحثت عن هاتفى القديم وقت اللقاء لربما وجدت ارقام حبها المنتهى لذاك الشخص القديم المسمى فى تاريخ البشر " المعذب" انة "انا "....... كرهت ذات الشعور بالحنين الدائم لكى فقررت الخروج من دوامة الاحساس لربما تحولى لحجر صامت هو العلاج لتلك الاهات المتتالية ..... ارتديت ملابسى وقررت المشى وحدى لربما يخرجنى ذلك من تلك البوتقة الذهبية لحبك القديم ؟!

على باب منزلنا نادتنى امى فى لهفة وخوف قائلة" لاتخرج يا بنى الجو بارد جدا" ........ اجبتها بضرورة خروجى ...... فاعطتنى معطفا وقالت "لا تتاخر " وطبعت على جبينى قبلة حانية .........منذ خروجى لهذة الدنيا وانا لا املك حقا منها سواكى يا امى فبعد وفاة والدى صرتى عالمى ودنياى وفى هذة الايام اعلم حق العلم معنى الحنان والحب من نظراتك واهتمامك بى فانتى الوحيدة التى تعطى دون انتظار مقابل لحبها لعلى كنت موهوم حينما بحثت عن الحب خارج نطاقك الفريد ايتها الجميلة الحبيبة ..........

فتحت بوابة منزلنا العالية ..... خرجت مودعا الافق المجاورة لشارعنا ...... اتذكر ملامحك ... شكل ابتسامتك .... لا لم انسى شيئا ايتها الكاذبة الرقيقة ....... مرت الاسابيع والشهور ولازال قلبك المالك الوحيد لى كيانا وروحا ..... ووجدت حالى ابكى لا انتبة لنظرات المارين.......وفجاة فى منتصف دوامة الالم والحنين ارى صورتك يا ابى ....... فيحتار فؤادى اين انت الان ؟! لما رحت بعيدا لعالم غير عالمنا !!...... ودون مقدمات اجد حالى احتاج لحوارك يا ابى ...... احتاج ان ابكى كالصغار فى حضنك ..... ساقتنى قدماى للمقابر ...... ووجدت حالى اهم بفتح بوابها ...... لا اشعر بالخوف ولكنى استشعر رغبتى فى البكاء لابى ........ اعلم انة سيسمعنى ......

وصلت لشاهد قبر والدى ....... جلست امامة غير آبة بالتوقيت ولا الليل ولا الظلام ولا بقية القبور .......

والدى انى احتاجك كثيرا ..... افتقدك فى مجلسنا وسط اخوتى ....... اشتاق لسماع صوتك تضحك وتلعب معنا ...... والدى انى كالتائة اتخبط فى دروب العشق الواهية...... ابحث عن المشاعر الدافئة فاجد حالى وسط جبال ثلوج شاهقة العلو ....... لا اعلم لما ابحث كالمجنون عن قلب وسط القلوب بينما امى تحنو عليا بحبها المتدفق ؟!.......... هل تسمعنى يا ابى ؟؟؟؟؟؟؟؟؟؟ ابكى كالمجنون .... اشهق بصوت عالى كاد يفجر راسى ....... اتململ وتسقط عبراتى لتغرق شاهد قبر ابى .......

عذرا يا ابى .... لقد بللت قبرك بدموعى كالاطفال ........ اتذكر حينما كنت تريد توبيخى على شىء ؟.............كنت تقتلنى بكلماتك ..... كنت تضربنى لكن قليلا .... كنت احبك بشدة ولازلت احبك وافتقد وجودك صدقنى .........

كففت دموعى وقمت من جلستى ..... عودت لمنزلنا لاجد امى ساهرة...." هحضرلك العشاء اتاخرت لية ؟"...... نظرت لها بحنان وقبلت يدها فى لهفة " ربنا يخليكى لينا يا ماما "...... نظرت لى متوجسة شيئا ما ......." مالك ..... حاجة مضايقاك شايفة دموع فى عنيك "...... " مفيش يا ماما " ........ ذهبت لحجرتى .... جمعت كل رسائلها ....... محيت فكرة الحنين من ذهنى ...... ركزت نظرى على امى واخوتى ..... ووجدت عيناى تتجة لصورة ابى المعلقة على الجدار .......لاجد حالى اتمتم بكلمات " شكرا يا ابى "............ لطالما انقذتنى فى حياتك وبعد مماتك شكرا"..........

يوميات سوسة ... قبل بيطرى المنحوسة ... الحلقة السادسة

النهاردة انا هتكلم عن سوسة قبل بيطرى ..... تلك الفتاة التى كانت تقدس الصداقة لابعد الحدود ولازالت ... هتكلم عنك يا زينب بعد ما مر على انتهاء صداقتنا سنين وسنين لكن لسة فاكرة كل حاجة فى صداقتنا واكتر حاجة فاكراها انك واحشانى اوى ..... اية مود الاكتئاب دة هههههههههه وبعدين الصراحة برضو يا زوزو انى لسة فاكرة مواقفنا الحلوة بس مسحت من دماغى الجرح كل ما اشوفك فى خيالى افتكر الحضانة وحفلات المدرسة ونشاط الموسيقى ...... كنتى بتحقدى عليا عشان كنت بغنى هههههههه ما انا برضو كنت بحقد عليكى عشان بتعرفى تعزفى على الارج والاوكرديون .... فاكرة لما كنا بنعمل مقالب فى العيال ههههههههههه كنت البيج بورص بتاع الشلة .... اكبر موردة للبمب والصواريخ .....فاكرة الصاروخ المعجزة اللى جبتة هههههههههه كنت مؤذية موت هههههههههه وقدام المدرسين بعد ما اخطط لخطتنا ابتسم وبراءة الاطفال على وجهى الماكر .........ههههههههههه

عارفة يا زوزو كل ما اروح السويس امسك التليفون واقول هكلمك اصل رقمك محفور فى دماغى زى ما انتى مرسومة فى طفولتى وصورتك على قلبى ....... دايما كابسة على نفسى كدة ههههههههههه ....... واول ما امسك التليفون اسيبة ........ حاولت اسامحك كتير بس اعمل اية معرفتش ....... انا عرفت انك اتخرجتى وفرحتلك اوى وكنت عاوزة ابعتلك الخاطرة اللى عملتهالك مخصوص ... عارفة كنت بشترى كل سنة بعد ما سيبنا بعض فى يوم عيد ميلادك كادبورى كنت بحبها عشانك وكنت بجيبلك كارت واكتبلك خاطرة واقولك قد اية واحشانى وافوق من الاوهام الاقى اننا معدناش صحاب ........

ندخل فى المسلسل بقى ....... تانية ثانوى ....... الترم التانى ...... يوم مش هنساة ..... صحيت الفجر كالعادة دخلت اصحى ماما زوزو .... حطيت براد النسكافية على البوتاجاز ....... لميت الغسيل ياااة زوزو شكلها تعبانة اوى هى بس لو تسيبنى اعمل انا الاكل الاسبوع دة بس برضو مش هترضى ........ لميت كتبى وحطيت معاهم حاجة الكيمياء عشان اراجع وانا فى المدرسة عندنا امتحان النهاردة ومش عاوزة البت بطوط تجيب اكتر منى ههههههههه مع انى كنت انا وبطوط بنتنافس كنا اصحاب جداااااااااااا ولو انها طلعت اشطر فى الاخر ودخلت طب بشرى السوسة ههههههههههه

ماما زوزو : صحيتى يا سارة ؟

سوسة : اة يا زوزو ادخلى نامى يا عسل

ماما : لا انا عندى شغل ......... انا مرضتش انام الا لما تنامى عشان اشجعك

سوسة : يا زوزو هزعل انتى نامى انا عارفة مصلحتى كويس وبعدين لا تقلقى هجيبلك النهائية واجى ههههههههههه

ماما : ربنا معاكى يلا خدى سندوتشاتك وخلى بالك من نفسك

سوسة : سلام يا زوزو

فى المدرسة ...........

زينب : معدتيش عليا النهاردة لية نروح المدرسة سوا

سوسة: اتاخرت فقولت اكيد مشيتى يا زوزو

زينب : ذاكرتى كيمياء كويس ؟

سوسة:تمام ....... متغيرى المدرس بتاعك دة ...... المدرس بتاعنا احسن

زينب : لا انا اخدت على المدرس دة

سوسة: هخلص الامتحان والدرس واجيلك عشان درس العربى

زينب : صحيح عاوزاكى تشرحيلى البلاغة عشان انتى فاهماها

سوسة : من عنيا ... صحيح مش فاكرة النهاردة اية ؟

زينب : النهاردة الاربع

سوسة : اة صحيح الاربع ...... ثوانى ...... خرجت شنطة هدايا حمرا من شنطة المدرسة

زينب : جايبالى هدية ؟

سوسة :النهاردة عيد ميلادك ........كل سنة وانتى طيبة يا زوزو

زينب : وانتى طيبة يا سوسة ... انتى الوحيدة اللى افتكرتى انا نفسى كنت ناسية

سوسة : مينفعش انسى يا بنتى ........افتحيها بقى

زينب : ايةدة دة البيرفيم اللى كنت عاوزة اجيبة ..... اة صحيح يوم ما خرجنا انا قولتك انى عاوزة اشترية

المهم انى رحت عشان درس الكيمياء بعد المدرسة بس المستر لغى الدرس اصلا انا قولت افوت على زينب الاول قبل ما اروح اخد منها كتب كنت سايباها عندها

طلعت على السلم جرى المهم وصلت لباب البيت لسة هخبط على الباب ايدى اتجمدت فى مكانها لما سمعت الكلام ..........

يا ماما انا اتخنقت من سارة ..... عاوزة تبان انها مثالية اوى .... وبعدين هى مش احسن منى ॥ وبعدين انا بكرها .......

نزلت على السلم منهارة كل اللى فاكراة صوتها وهى بتقول بكرههههههههههههههههههههها .......... روحت البيت مصدومة دخلت اوضتى ومكلمتش حد ...... ماما دخلت تكلمنى قولتها مفيش..... وفجاة لقيت التليفون بيرن .......ماما راحت ترد ولقيتها بتنادى عليا

ماما : تعالى يا سارة كلمى زوزو

الو اية يا سوسة مش جايةدرس العربى .... انا قلقت عليكى يا بنتى

مكنتش عارفة اتكلم ولا حتى اعيط ....... ياااااااااة كل دة جواكى ناحيتى وبتمثلى انك انتيمتى يعنى طب بتمثلى بقالك اكتر من عشر سنين ازاى ؟ وقفلت السكة ........ معرفتش اتكلم ...... ومرضتش اتكلم ..... وماما فهمت وبعد فترة حكتلها .... شلت زينب من حياتى ...كان قلبى بينزف ازاى الناس بيجرحوا اعز اصحابهم كدة بمنتهى السهولة ؟!.......حولت حياتى من عندك يا زينب بس الجرح لسة مكانةموجود ... اخدت فترة بعدك لوحدى مش عشان انتى مشيتى من حياتى ..... عشان كنت خايفة كل الناس يبقوا زيك بيعرفوا يمثلوا الصداقة والاخلاص ومن جواهم كراهية واحاسيس مش قادرة افهم سببها .... طب كنتى ادينى سبب واحد لكرهك ليا ؟

اخدت هى فترة تحاول ترجع صداقتنا بس معرفتش ....... اصل انا كدة لما بحب حد من صحابى اوى بسامح كتير بس معرفش اغفر الكدب والتمثيل ..... ممكن اسامح على اى حاجة الا الكدب ...... وبعدها بفترة هى صاحبت ناس تانيين ونسيت ..... بس انا عمرى ما نسيتها ولا عمرى هنساها........

الى اللقاء فى الحلقة القادمة ..... انتظروا سوسة فى ثوبها الجديد ههههههههههههههه ........ سلاااااااااااااااام .... صحيح الصورة اللى موجودة مع البوست للسويس ........ عشان تعرفوا السويس حلوة ازاى ...........