CLICK HERE FOR THOUSANDS OF FREE BLOGGER TEMPLATES »

21 يوليو 2008

............


انتظرونى قريباااااااااااااااااااااااااااا فى يوميات دكتوربيطرى طالع عينة ..................... قريبا على شاشة المدونة .............اوعى تغير المحطة............. مش هتقدر تفتح عينيك ههههههههههههههههههههههههههههههه ........... ريست من الكتابات الادبية ......... ومتقلقوش هرجع اكتب ادب تانى رخامة بقى ههههههههههههههههه اوعوا تزعلوا منى بس انا مقدرش ازعل حد

"المنارة الزرقاء.....الجزء الثانى "


لقد توقفنا فى الجزء الماضى الى مشهد منى وذهولها امام مجتمع الجزيرة وصدمتها حينما عرفت منهم ان منير مات من عشرسنوات فالى عودة الى مركب الحكايات ..........


مشهد اول ( منى تهرع لقاربها الصغير من اجل الذهاب للمنارة ...........حالةصدمة نفسية تامة مع تناقض روحى مرير وجرح عاطفى على وشك الظهور)


منى : منيررررررررر


لا يوجد اى رد لندائها المتكرر


تقترب من المنارة لتفاجا بها خالية وباردة الاجواء لا تحمل اى روح ........... ويداخلها الخوف فتلتف لتجد زوج السيدة اميرة نقيب الشرطة السابق


منى : انا مش مجنونة


السيد مراد :عارف


منى :انا مبختلقش الكلام دة


السيد مراد :دة ناتج لان روح منير مش مستقرة .......... بسبب انتحارة .....الانتحار بيخلى روح الانسان مختنقة فى حاجز بين السماءوالارض.........


منى :انا مش بؤمن بالخرافات دى


تحتار منى ويزيدها التفكر امعانا فى الاحداث الواهية الصنع .......(على لسانى انا وليست منى ..........لماذا نشعر بداومة التخبط العاطفى عندما يختفى الحبيب فجاة ؟دوامة الشعور ام دوامة الاشتياق وسيبكم من الحتة دى دى تبع تخاريفى الليلية )

تمر الايام عليها وبركان الانهيار الشعورى والحاجة الية متنامى الثورة داخلها هل كنت اهوى العبث ام انة مجرد شبح كان يهوى تمثيل لعبة الحب المريرة ........(وجة متهكم حتى الاشباح تهوى مسارح الحب واهات اللوعة المرائية ...........)


مشهد ثانى (منى امام المنارة ثانية ووجهها ينتحب قائلة لا لم يكن شبح لقد احسستة بداخلى نبضا لا يهدا فلماذا كل هذا الالم ..... ارغب ان اكون مجرد قطعة سكر وهمية ذائبةفى قدح قهوة رفقاك الموتى فرحماك ربى لا تجعلة شبحا ياخذ اشواقى ومشاعرى لاسفل حفنات ثرى القبور ؟!)

فجاة ترى نورا صديقتها حقيقة ...........

نورا: انزل يا منى انزلى انا جايالك المنارة دى خطر

منى :تنزل فى الم ....فتقابلها نورا

اذ بمنى ترى منير يتقدم ...........

منى : نورا اهومنير اهو شايفاة ؟

نورا :غمضى عنيكى وفتحى هيكون اختفى

منى :تحاول اغماض عينيها

نورا :شوفتى اهومش موجود

منى :لا اهو لسةموجود

يقترب شبح منير ليحاول طعن نورا ....وبالفعل يطعنها وتحاول منى ان تنقذ نورا ولكن بلا جدوى

مشهد تالت(منى تجرع لاهثة ....لتاتى بالسيد مراد لكى ينقذ نورا )

منى :سيد مراد لازم تيجى معايا المنارة نورا .....منير قتل نورا

السيد مراد:اهدى يا استاذة منى

منى : تعالى معايا من فضلك

مشهد رابع (منى والسيد مراد فى المنارة ولقد اختفت جثة نورا ........०

منى :انا مش بختلق الكلام دة

السيد مراد:تعالى باتى معانا النهاردة مينفعش تفضلى لوحدك

منى :ونورا يا سيد مراد نورا ماتت

مشهد خامس (منى فى منزلها تحاول الاتصال بنورا ولكن جوالها مغلق )

الخوف يكاد يدمر اعصابها ...........

فى مكان اخر عند ساحة انتظار القطارات وبالاخص عند المقهى ..........

مشهد سادس (نورا وشخص مريب يقارب شكلة ملامح منير بمنتهى التشابة الدقيق)

نورا : انت كنت عاوز تقتلنى بجد ولا اية؟

الشخص : لو عليا هقتلك وضحك فى تهكم واضح ....

نورا :دة المبلغ اللى بقالك من شغلك المهم انك تختفى لغاية ما نقتل منى ونمشى فى اجراءات الميراث

الشخص :تعرفى اية اغرب شى فى الموضوع ؟

نورا :بتقول اية

الشخص :ان الاستاذ مجدى جوز منى طول الوقت بيتكلم عنها هى بس عن نجاحها عن شخصيتها وانتى طول الوقت تتكلمى عنها وعن مجدى وعن الفلوس مجدى عمرة ما اتكلم عنك او عن الفلوس .......؟! كانة حتى لو قتلها هيفضل غيران من شبحها وضحك اكثر واكثر

نورا : احتفظ برايك لنفسك

الشخص :يعنى انتم بتوهموها انها مجنونة كل دة عشان تاخدوا الفلوس وتقتلوها بجد انتم مرضى !!

مشهد سابع (تحاول منى الاتصال بنورا ولكن دون جدوى هاتفها الخلوى مغلق فاذ بها تسمع صوت تحطيم زجاج فى المطبخ تذهب لكى تتحرى ماذا يجرى لتجد يدا تجذبها لتذهب فى دوامة المخدر الى اللاوعى )

نورا :اتاخرت لية يا مجدى

مجدى : تعبتنى لغايةما اتخدرت

نورا : هنعمل اية دلوقت ؟

مجدى : لازم نخلى شكل الموضوع انها انتحرت بسبب كل اللى اتعرضتلة

(تستيقظ منى من المخدر على صوت خطتهما ولكن جسدها لا يقوى لكى ينهض )

مشهد ثامن (فى قارب منى الصغير .........مجدى ونورا يكبلان ارجل منى بالاغلال الثقيلة الوزن ..........

مجدى : نقفل بقى بالقفل عشان متقدرش تتحرر من الاغلال

نورا : هى كدة هتغرق بجد؟

مجدى :طبعا يا حبيبتى

يهمان برمى منى ولكنها تستيقظ وتصارع من اجل البقاء واخذ المفتاح ولكن دون جدوى ..........

تسقط منى فى خضم المياة تحاول التحرر من القيود او السباحة لتصعد للسطح ولكن دون جدوى ........ تستلم باغماض عينيها ولعن حظها العثر فلقد اكتشفت ان اقرب الناس اليها وصديقتها هم سر نكبتها ولكن ما تلبث ان تسمع صوت ياتيها من الخلف .....

انظرى خلفك يا ماما

لتنظر خلفها وتجد مفتاح الاغلال لتفك اغلالها وتصعد لسطح المياة وتهرع للمنارة من اجل الانتقام

منى : مستعجلين تورثونى ؟

نورا :انتى لسة عايشة ......... اقتلها يا مجدى

نورا تهم بدفع منى لتسقط هى على صخرة فتلقى حتفها ....... ولكن مجدى يحاول ان يهاجمها واذ باطار حديدى ضخم يسقط فوقة ليردية قتيلا ......

مشهد تاسع (تصعد منى خائرة القوى لقمة المنارة لتجلس منشدة الاعياء ..........لتجد منير ولكن تلك المرة ليس شخصا مزورا ولكنة الشبح بالفعل ليعطيها محارة لؤلؤية الالوان ويتركها ليقفز من قمة المنارة تحاول منعة ولكنها تفشل وتغلق يدها جيدا على المحارة

تاتى الشرطة لتعرف الاحداث ويقومون بتبرأة منى ........تذهب للكوخ من اجل حزم حقائبها لتغادر الجزيرة نهائيا حاملة معها طوف الذكريات الاليمة ......

بعد كل تلك الاحداث تم اخلاء الجزيرة من السكان حفاظا على حياتهم ومن اجل ان ترقد روح منير بسلام .......... قامت منى بكتابة روايتها "المنارة الزرقاء" اقتباسا عن الاحداث التى مرت بها فى الجزيرة وقامت باهدائها لروح منير ............. لا ندرى كيف صارت حياة منى ولكننا نظن انها تجاوزت محنتها الان .....................



"تاج ما بعد النجاح .......قلبى خلاص ارتاح وحمل نتيجتى انزاح انزاح "


شوفوا بقى اللى حصل يا جدعان .....كنت قاعدة فى بيتنا وخلصت كتابة بوست القصة ولسة بفكر هعمل اية الاتصالات اشتغلت ..........النتيجة بانت .......نعم .........نجحتى يا سوسة .......وكمان صافى وطقم الار اشتغل .......هههههههههههه.........مكدبتش خبر لازم اشوفها بعينى وفعلا نزلت واطمنت وشكرا على سؤالكم عليا ويا رب كل الناس ناجحين كدة وفرحانين

جالى يا جماعة تاج من مدحت صاحب مدونة سحر الرومنسية ......طبعا دة مش تاج واحد دة اتنين فى واحد شامبو وبلسم هههههههه بهزر ..........تاجين واحب اشكر مدحت على التاجين .............

التاج الاول ::::::::::

اذكر 16 صفة عن نفسك ؟؟؟؟؟؟؟؟

نبدا بالصفة الاولى :::::::::: اجتماعية ااااااااااااااااوى ودة بيخلينى معرفش اصحابى كويس بمعنى بحب اصاحب ناس كتير وطبعا الموضوع بيتناسب عكسى مع قوة الصداقة هتلاقينى اعرف نااااااااااااااااس كتير ومحصلة الصحاب بجد مفيش بحاول اعمل كونترول على الموضوع دة بس الحمد للة علاقتى بكل الناس كويسة.........

الصفة التانية ::::::::::::::: رومنسية جداااااااااااااا ودى محدش بيعرفها غير اللى بيقرب منى بجد لكن ظاهريا ببان جد اوى وعملية ودة مش صحيح

الصفةالتالتة:::::::::: ممكن تعتمد عليا وبحب اكون مسئولة ......... وبعدين انا هفضل ارقم كدة ........... متقلبة جدا ودة عيب مش ميزة

مشهورة بتكرار اسفى بسبب او بدون سبب لان اهم شىء مجرحش حد ممكن يكون الشخص مسببلى مشكلة وانا برضو اتاسف وكانى الغلطانة .......... بقلل من حجم مشاعرى او بمعنى اصح بحسس اللى قدامى انى مهما عملت تعاملى مش كافى مش عارفة اعبر عن دة بس بمعنى انى حساسة فى تعاملاتى ناحية الاخرين جدااااااااااااا ومحبش احس انى ضايقت حد وبخاف من كلماتى ووقعها على الناس اللى حوليا

مجنونة اااااااااااااااااااوى ههههههههههههه يعنى كل صحابى بيقولولى انى لازم اغير تفكيرى وابطل اتفلسف عشان اعيش وابطل افكر كتير عشان اليومين دول ماشى زهايمر فى الجو ههههههههههههههههههه

بحب الهدوء والطبيعة ااااااااااااااااااااااوى وبموت فى البحر والصحراء بحب اتوة ومرجعش تانى واسرح .........الحقوا يا جدعان جيجى اختى عملالى عصير كوكتيل تحفة اتفضلوا معايا دلوقت ههههههههههههههه مش بعزم انتم صحاب مدونة برضو

بحب الكتابة وهى الشىء الوحيد اللى بلاقى نفسى فية وهى اللى بتطلعنى من القلق والخوف ......مبحبش التطفل وبكرهه جداااااااااااااااا

بحاول اقرب اكتر من ربنا اليومين دول ............ بحب اللمة والناس الكتير وبحس ان احيانا الهدوء مش كفايةوان الواحد محتاج جرعة تكدس سكانى ههههههههههه بشم الروح الانسانية وبحس عطرها .........الروح الانسانية مش حاجة تانية ههههههههههه

بحب عيلتى جدااااااااااااااااا وبموت فى اخواتى و طبعا بابا وماما ومن موقعى دة بهدى ماما زوزو اغنية يا احلى منهم بتاعة ايهاب توفيق وبقولها طبعا يا زوزو انتى احلى منهم ...........واحب اقول لهيما يا رب تنجح زيى وتجيب تقدير بقى كفاية ان اختك مقبول هههههههههه ومالة المقبول رضا دى بيطرى مقبرة الغزاة ههههههههههههه

كدة كفاية ندخل على التاج التانى ............. تم تررارر تم تم

اذكر احلام عن ماضيك كنت هتتخلى عن اية فيها وهتتمسك باية ؟

الاحلام ::::::::: انى اسافر الهند بحب ااااااااوى البلد دى وباذن اللة نفسى ازورها الطبيعة هناك تحفة ودايما بجيب كتب عنها ...........نفسى ابقى كاتبة واديبة ياااااااااااااااااارب ادعوا معايا انا شايفة واحد مطنش ومش بيدعى ادعى لادعى عليك ॥ههههههههههههه بهزر

من زمان وانا نفسى اشارك فى برنامج حفظ السلام بتاع الامم المتحدة واسافر البلاد اللى بتعانى من مشاكل زى الصومال واساعد الناس دى بجد يا جماعة نفسى امشى فى العمل الخيرى وبالذات دة بس بابا وماما مش هيرضوا يمكن لما الواحد يتجوز يقنع زوجة بالفكرة يمكن والحقيقة هى مش احلام ماضى بس هى ماضى وحاضر ومستقبل ومتمسكة بيها للابد ..........

اذكر احلام تخص مستقبلك وما تتمناة منة ؟

انى ابقى كاتبة واديبة يااااااااااا رب ادعو معايا وانت يللى مدعتش ادعى بقى يا بنى انت مستقصدنى لية ؟ههههههههههه ودة ميمنعش فضولى انى اشتغل طبيبة بيطرية سنتين كدة ........... فاكرين ........كشك تحصين الكتاكيت ههههههههههه برافو عليكم هو دة المستقبل

اذكر على الاقل شخصين فى حياتك كنت تتمنى وجودهم من قبل ؟

هو فى شخصين فى حياتى بس هما موجودين من قبل طبعا هما مش شخصين بس هما ماما وبابا وجيجى وهيما وبطوط واركزززززززززز بشدة على بطوط لانها زعلت انى مبجبش سيرتها كتير فى المدونة وبتقولى انى بتزعم لجنة التفرقة العنصرية ناحيتها وبقولها يا بطوط يا بنتى انتى شمعتى ونور حياتى ومنغيرك اضيع وتولع حياتى .........مع الاعتذار للشمعة هههههههههههههه كلمتين قرع كدة

اذكر شخصين غير متواجدين الان فى حياتك وتتمنى وجودهم فى حياتك فى المستقبل ؟

اولا وتحت اولا ميت مليون سطر زوج المستقبل ......... واتمنى يكون ابن حلال وطيب ويفهمنى ويحبنى بجد ويشجعنى انى اكون احسن وميخفش هشجعة يكون احسن بس الاول يشجعنى ههههههههههه من باب نفع واستنفع ...........بهزر

ثانى شخص صديقة بجد لانى زهقت من اصدقاء المنفعة والامتحانات ونفسى بجد اعرف صديقة جدعة ونكون مع بعض علطول

وفى النهاية احب اقولكم شكرا على سماعكم ليا ومعلش بقى فرارة هروح اتوضا واصلى ......................يلا هرجعلكم عشان انزل بالجزء التانى من القصة وتحياتىىىىىىىىىىىىىىىى لكل من ساهم فى انجاز ولو جزء صغير من حياتى ............