CLICK HERE FOR THOUSANDS OF FREE BLOGGER TEMPLATES »

26 يوليو 2008

"طفولة مشاعر "........


اصبحت انجذب لشخصك انجذاب الكواكب بمداراتها ..... واعلم ان توقيت وجودى فى حياتك بالفعل مستحيل ....... اتحايل على الوجود والمنطق باسم المشاعر فتعاودنى الاجابات ...... اتعلم انى اشعر بجرحك ؟ ولكنى لا اجد العلاج المناسب لك حبيبى ......... لو تستطيع دقات قلبى ان تشفى جرحك العليل لاعطيتك كل دقات القلب والروح ......... لقد صارت كلماتك تعويذتى المعهودة ...... احيا لاتغيب فى سماوات وجودك واتلهف لسماع اسمك ........ فما انا سوى نسمة ضمن نسمات وجودك الخرافى الحسن ........ تشكى لى حالك وهل تدرى انت كيف حالى ؟! ........ فانت لا تدرى من حياتى سوى ضحكاتى اما الالام حبك فانى اعانيها خفية عنك ....... اتململ وسط الليل لاستيقظ على صوتك الوهمى ....... وانت تعاودك ملامحها فى الظهور ......واعلم ان ذلك قدرى الموعود ، فما هوذنبك !! ........
اتعهد لقلبى بالبعاد عنك لاشعر فى كل لحظة بعاد بتلك النغصة ....... وارى فى عينيك سؤال عنى فالهو فى افراحى كطفلة فرحة .......اعدو وسط النجوم لسماع تلك الكلمة ولكنى اعلم انى لازلت بعيدة عنها .....اسمعها فقط فى احلامى البعيدة .....لاصحو على واقعى الاليم ......
اطمن على حالك من بعيد لاجد قدماى تنزلق فى تنور مشاعرى تجاهك.....لااملك فى احساسى تجاهك شىء ......فانى مسحورة فى غياهب ملامحك ..... مقيدة الفكر والروح بعطر احساسك وبراءة نظراتك .......
حبيبى انت لا تعلم عنى كل ذلك ، ولكنى استشعر اهتمام فى الطريق يحبو فى احتياج لاهتمامى ...... صدقنى انى ارحب بهذا الاهتمام مثلما ارحب بروحى المتالقة فى جسدى ........
هكملها بس شوية عشان حاساها مش مترتبة وحاسة انى بكتب كتير اوى

"يوميات سوسة فى بيطرى المنحوسة ........ الحلقة الرابعة "







الحلقة اللى فاتت ذكرنا مواقف المواصلات وكيف تخلصت سوسة منها وخلى بالكم كويس انا هبدا اخد اشتراك منكم على كل حلقة اشمعنى يعنى الشو تايم واخدة منى مبلغ قد كدة عشان يعرضوا المسلسل ههههههههههههههههه.......... كل واحد يسيب اشتراكة مع الكومنت وانا هبعت التباع بتاع المدونة يلم الاجرة فى الاخر ............










الحلقة دى بقى هنشوف مواقف سوسة فى المدينة الجامعية مهى العبد ةللة اخدتلها مدة كدة فى الام جى اقصد مدينة الطالبات بس دة الاسم الحركى ليها ام التسمية الفعلية (تهذيب ، تعديل، اصلاح) ..... ونبدا تلك المواقف بواحدة لن انساها وبدون ذكر اسماء حقيقية حفاظا على مصداقية القناة .......










كنت قد قضيت مدة لا باس بها فى المدينة شوفت فيها العجب العجاب هههههههههه كل التناقضات معا بعضها .... بس الحقيقة كنت بتبع مبدا حسيت انوا المناسب اللى هو "اعرف صاحبك وعلم علية " يعنى من الاخر لو حسيت اللى قدامى شخصية مش كويسة بعملة ديليت ودمتم










مخبيش عليكم انا قعدت فى المدينة فترة طويلة اربع سنوات دة قبل ما اختى جيجى تدخل الكلية ...... كنت فى حالى نوعا ما لان دة الصح فى المدينة وعلاقاتك تقتصر على الناس اللى تحس انهم قريبين منك فى التعامل










ندخل بقى فى المسلسل ........ كانت اخر سنة مدينة ليا وكنت مع ناس بيطرى معايا ودى كانت اول مرة اقعد مع بيطرى زيى ومكنتش مرتاحة للموضوع لانى محبش اقعد مع حد من كليتى لان الحقد وعوامل الار والحسد بتشتغل حتى لوكنت من "فئة التخلفات" زيى ههههههههههه المهم كانت معانا واحدة فيهم كانت مصاحبة واحدة بيطرى برضة ساكنة جنبا بس انا مالى انا حدودى الاوضة بتاعتى المهم اللى معانا دى كانت صاحبتها بتجيلها ساعات ..... صاحبتها دى بقى اللى كانت مشكلة ....كانت علطول تيجى معيطة و يغمى عليها والصراحة الاول مرتحتلهاش اة معرفش لية وفى يوم كنت مخنوقة خالص مهى السنة دى كانت فقر اوى استغفر اللة العظيم المهم دار بيننا هذا الحوار ..........









البنت (كانت مسميةنفسها دودة ): عارفة يا سارة انا عارفة انك مش مرتحالى









سوسة : بصتلهاباستغراب وضحكت لا ابدا









دودة : طب لية بحس انت متغيرة معايا بتهزرى مع كلة ماعدا انا









سوسة : يا بنتى عادى عشان انتوا بس اصغر منى واغلب اللى لية علاقة بيهم دفعتى









دودة : طب انا عاوزة رايك فى حاجة









سوسة : اية هى ؟









دودة : انا بحب معيد عندنا فى الكلية وهو مش حاسس بوجودى اصلا









سوسة: الفضول اشتغل ...... مين دة؟ كمان بتحبى يا اختى دة انتوا لسة اولىوالواحد تالتة وحياتة كلها صحابة وبس يلا لما نشوف الحاجة دى عاوزة اية ....... وبعدين ما كانت تحكى لشيماء صاحبتها









سوسة: اشمعنى انا عاوزة تحكيلى ؟









دودة: اصل ليا واحدة زميلتنا هنا بتقول انك كتومةاوى وانها كانت بتحكيلك وعمرك ما طلعتى سر لحد ........... انا بقى اتنفخت واخدت المقلب المحترم فى روحى هههههههههه ........اصل الحقيقة ان الموضوع دة كان بيحصل احيانا الناس بتفضل تحكى لحد ميعرفهاش









سوسة : انتى عارفة تلاقيها بتجامل بس على العموم احكى الموقف وانا احكم









دودة : انا عارفة انوا مبيحبنيش









سوسة: يبقى تنسى الموضوع خالص مالهاش لازمة.... البت خدتنى على قد عقلى وسكتت وقالت كلامك صح بس انا كنت عارفة انها مقتنعتش حسيت








تاااااااااااااااااااانى يوم








كنا واقفين فى الكلية مع ناس صحابنا وكان فى مناقشة رسالة ماجستير لدكتور عندنا ....... وجت واحدة زميلتنا تقولى ..... اما فى موقف حصل غريب اوى الدفعات اللى اصغر مننا دول عندهم جراءة غريبة يا عيال








سوسة : ادينا الموجز ويا ريت متطوليش يا حضرة الشريط الاحمر








البت : واحدة من سنة تانية ...... هى قالت كدة وانا بقى افتكرت البت بتاعة امبارح........ بس جريئة اوى تخيلوا بعتت هدية للدكتور فلانى اللى مناقشة الرسالة بتاعتة النهاردة








عواطف صحبتى : مهو فى ناس كتير بعتولوا هدايا الدكتور دة كويس اوى








البت : لا مش دة المهم .......... دى بعتتلة جواب رومنسى الهانم جوة الهدية لا واية كتبالة اسمها فية و بكرة يتسيحلها فى الكلية .......








سوسة : اسمها اية ؟؟؟؟؟








البت : فلانة فلان ........








انا بقى اتخضت بس مبينتش ........ واخدت فترة مكلمش البنت دى ولما تيجى اوضتنا عادى سلام سلام كدة ............ المهم عدت فترة والاخت طلعت فى حكاية تانية ........







تصوروا كانت تيجى معيطة ومضروبة المفروض وتيجى عندنا الاوضة تقول ان باباهابيضربها وفعلا مضروبة بجد وانا بقى بعد ما كنت مبكلمهاش صعبت عليا اوى







سوسة: يا دودة تعالى انقلى حاجتك معانا الاوضة عشان لوحاجة ضيقتك تحكى تعالى ذاكرى معانا







دودة : لا يا بنتى محبش اضايقكم







سوسة: يا بنتى تضايقى مين وبعدين ما انتى عارفة ان نهى معتدش ساكنة مدينة وفى مكان فاضى







المهم....... اتصاحبنا اوى ......... فى الاخر بقى اكتشفت حاجة تانيةخالللللللللللللللللللللللص







يوم رجعت من السفر من بيتنا ........ لقيتها عند المشرفة ومغمى عليها ومتعورة خالص والمشرفة بتحاول تفوقها انا اتخضيت وقولت فى اية وبدات اعيط واعصابى انهارت من المنظر والناس ملمومين فى اوضة المشرفة







عند المشرفة ...............







المشرفة : سارة طلعى العيال برة خليكى انتى بس وشيماء واقفلى الباب







سوسة : حاضر هى مالها ؟







المشرفة : انتى تعرفيها من اد اية؟







سوسة : ترم







المشرفة : صحابها فى الاوضة جم لقوها معورة نفسها







سوسة : نعم لا يا مس اية الهبل دة ازاى يعنى ؟ كنت هتجنن مش مصدقة







سوسة : حاولت تنتحر يعنى ؟ طب لية







المشرفة : لا يا سارة ..... انا كان مفروض اقولكم لانها اتصاحبت عليكم اوى وكنت بشوفها دايما عندكم







سوسة : فى اية يا مس ؟ انا مش فاهمة حاجة ؟







المشرفة : هى بتوهم نفسها ان باباها بيضربها ........ وعشان تصدقوها بتعور نفسها







سوسة: مش مصدقاكى







المشرفة : دى الحقيقة والموضوع زاد عن حدة واهلها بيشتكوا منها والنهاردة صحابها جم من السفر بدرى وشافوها بالشكل دة







سوسة: احنا كنا بقينا صحاب خلاص ...انا مش عارفة استوعب الكلام دة







المشرفة: انا اتفقت مع اهلها ان الحل الوحيد يعالجوها بس هما خايفين حد من بلدهم يعرف فهيعالجوها هنا







يومها دخلت اوضتى مسبهلة دة انا كنت بعيط على عياطها ........ واكتشفت انى كنت بتعامل مع واحدة مريضة







تانى يوم فى الكلية ......... على الكرسى الاخضر ..........







عواطف : مش عاجبانى يا سوسة







سوسة : انتى متعرفيش اللى حصلى







عواطف : اية احكى يا هبلة شكلك مصدومة من حاجة







حكتلها فضلت يومين مش مصدقة مفكرانى مالفة قصة جديدة وبختبرها عليها قبل ما اكتبها لغاية ما عرفت من ناس زمايلنا الموضوع اتعرف .........







فاااااااااااااااااااااااااااااااصل اعلانى ونعود .......... معلش الموضوع بتاع الحلقة مش كوميدى اوى .......................







عدنااااااااااااااااااااااااااااا .......... فى الجزء التانى بقى هنطلع من مود العزاء دة مع ان المرحوم كان طيب ههههههههههههه برضو عن المدينة ........ شوفوا بقى يا جماعة انا اخدت سنتين بحالهم كنت بقعد مع ناس صحابى من اسنان بس كانوا جدعان اوى والصراحة ميتعوضوش كنا اكتر من الاخوات بس هما اتخرجوا بقى منساش ايام ما كانوا بيشتغلوا العملى بتاعهم كانوا بيتشغلوا على شمع البارفين مادة عندهم اسمها كارفنج كنت ببقى بزاكر فى الطرقة بتاعة الدور ودول فى المطبخ بيسيحوا الشمع ويعملوا اشكال سنان وضروس كنت بحب اتفرج عليهم وهما شغالين ومادة تانية اسمها اورسو كانوا بيرجعوا من الكلية يحكولى اللى بيحصلهم فى السكاشن كانت مادة سلوك وازاى يعملوا تقويم....... وكانوا بيجولى الكلية علطول وكنا انا وشلة الكرسى الاخضربنرحلهم كليتهم بس الصراحة كليتهم احلى من كليتنا وتحس ان الناس متفائلين جدا عكس النحس اللى بتحسة لما بتدخل كليتنا هههههههههه مع الاعتذار لكليتنا ....... بس اكتر حاجةكانت تغيظ فعلا اى حد فيهم يروح الكلية بباكو فلوس متقفل ترجع من غيرة تقريبا مصاريفهم كتيرة اااااااااوى يلا احنا لغاية دلوقت على اتصال نوعا ما .........




السنة التالتة كنت قاعدة مع عيال فى هندسة عمارة بس كانوا دماااااااااااااغ ودة اكتر حاجة حلوة رايقين كدة لا وكانوا بيعملوا مشاريع ومكتات جميلة اوى وكعادتى انى بيبقى عندى فضول اعرف عن تخصصات تانية كنت بشوف ايام المشروع بتاعهم والشاسيهات والرسومات والمساقط والتلوين بتاع المشروع فى الاخر والصراحة كنت بحس انهم فنانين ودة كان عاجبنى اوى




الحلقة خلصت والى اللقاء فى الحلقة التالية الحلقة الخامسة ................. سلااااااااااااااااااااااااام
صحيح ياااااااااااا جماعة اية رايكم فى فكرة المسلسل ااقصد اليوميات ؟؟؟؟؟؟؟؟ عاوزة رايكم بجد