كنت دوما فى حيرة فانا اسكندرنية الاصل سويسية النشاة قاهرية الحاضر المعيشى ........تنقل وسط التكوينات البشرية يمنحنى عقلا يفكر فوق طاقة التفكير يحاول ان يخرج من معاناة التشتت .....غالبا وجدت القول الهام فى حياتى ان منزلى هو اسرتى عائلتى واقاربى ........اما المكان والزمان هما رهن الاقدار ........ولكنى اعلم فى قرارة نفسى انى سويسية بنسبة مئة بالمئة لان اغلب طفولتى ان لم تكن كلها مرتبطة بالسويس
........."الاسكندرية" ........امضيت بها اغلب فترة ما قبل دخول المدرسة دى اجمل فترة فى حياة اغلبنا
مش عارفة ابدا باية ولا اية خلينا الاول فى محطة الرمل وجنبها الكورنيش ونفضل نجرى ونسابق بعض انا واخواتى دة الى جانب "جوجو" دة بتاع الفشار اللى هناك لاننا كنا بنعمل لعبة اسمها حرب الفشار دة غير الايس كريم اللى كنا بنبوظ هدوم بعض بية وماما تزعقلنا واحنا نفضل نضحك
............"المطر" .........اسكندرية هى الشتا والمطر والبرد اااااحساس جميل اوى واحنا ماشيين وسط المطرونردد اغنيتنا "يا مطرة رخى رخى" وماما طبعا بتبقى خايفة علينا واحنا برضو نخرج نلعب والدنيا بتمطر وينتهى الموضوع ببرد وحبسةمالهاش زى ومفيش لعب ولا ركوب عجل
............."حديقة الحيوان"..........ياااااااااااااة طول عمرى بموت فى الزرافة واكلتها كتير وانا صغيرة كنت بحسها عسولة اوى وطيبة والصراحة يعنى بتعجبنى ودانها اوى معرفش لية وتانى حاجة انى طول عمرى بحب الصور اوى لانها تدوين الذكريات
.............."السويس"...........مهما رحت هفضل بحبك برضو ولو انى بعدت عنك كتير ويمكن البعد بيخلى الانسان يحس انوا بيحن كتير يعنى موضوع الدراسة فى الصيف والتدريب باعدنى عنك برضو بس انا دايما معاكى بقلبى وحكايات ماما عن جدى الفدائى واللى شافوة والهجرة والرجوع متصدقيش يا سويس انى معتدش بحبك طب انا اقدر انسى ايام ابتدائى والبحر والميناء ونادى هيئة قناة السويس ولمتنا احنا وقرايبنا ولا الجنينة الفرنساوى وركوب العجل ولو نسيت دةمنساش ايام اعدادى وصحاب زمان وايس كريم راتب وطبعا الكورنيش مع قرايبنا بورتوفيق ولماكنا نروح النادى ساعة التدريب مع بابا اما ثانوى بقى فهى حقبةمفقودة مزاكرة بقى ودروس
............."القاهرة"........طب بيطرى ونقلة تانية فى حياتى وناس جديدة اتولدت نوع من الالفة بينى وبين المعيشةفيها مش حب هو تعود عارفين مش عارفة حتى اكتب سطرين عن القاهرة ؟؟!
1 سوسة بيطرى ترحب بالزائرين ..... علقوا يا حلوين:
موضوع جميل يا سارة يتكلم عن الاسكندرية وهى مدينة جميلة انا دايما اذهب اليها فى الصيف كثيرا واسكندرية بجد بها مناظر خلابة وساحرة يكفى هذا المنظر الخلاب ان ترى البحر فوق كوبرى ستانلى حقا انه خلاب وترى المياه جميلة وقلعة قايتباى والكورنيش فعلا مدينة جميلة اما عنها فى الشتاء ان صراحة لم اذهب اليها وانا كبيرة فى الشتاء ولكن ابى يقول انه اخذنى معه وانا صغيرة لكنى لااتذكر واتمنى ان اراها فى الشتاء بالطبع ستكون اروع واجمل واما عن حديقة الحيوان فهى جميلة ولكنى ذهبت اليها وانا صغيرة ولكنى كنت اخاف ومازالت اخاف ان اعطى اكل لاى نوع من انواع الحيوانات يا له من موقف..اما الصور بالطبع تشكل طابع للذكرى جميل فى حياتنا فانا ممن يهتموا بالصور جدا واحب صور طفولتى حقا لانها ايام جميلة اما عن السويس من كلامك عنها اصدق انها جميلة ولكنى لم اراها حتى الان ولكن اتمنى ان اراها من كلامك عنها..اما عن القاهرة فهى المدينة التى ولدت بها انها مدينة جميلةوان شاء الله تتعودى عليها وسوف تكون جميلة بالنسبة لكى..اتمنى لكى حياة سعيدة ..تحيتى لك..
إرسال تعليق