واخيراااااااااااااااااااااااااااا

اخيرا اتممت الامتحانات وخلصت من الدوشة شفوى على عملى وشيتات
ووصلت لبرى وشطى كتابات فى كتابات
ونسيت الصحة والجراحةوهم الباطنات
وحياتى كتب ومكتبات
على جزيرةوعربية ومتنسوش الخروجات
ومن مراسلنا من طب بيطرى حيث يقولون كدة واللة اعلم انت نتيجتنا مع ثانوية عامة وربنا يجعلها كويسة ويبعد عننا الدرجات اللى مش كويسة ويحنن قلب المصححين علينا ويعتبرونا زى عيالهم يعنى مش لازم يعنى يبقى التصحيح هوكمان نظام امريكى زى نظام الدراسة انا من زمان بقول نعمل مقاطعة واهو اللى تعرفة احسن من اللى متعرفوش بس عارفين والهى ايام الكلية برضو متتعوضش
تروح كدة الامتحان مطبق يومين ومش شايف اى حد وحاسس انك مغمى عليك بس تعمل نفسك مش واخد بالك وندخل الشفوى بنفتح عنينا بالعافية ساعات دكاترة نصعب عليهم فيرغوا معانا فى اى حاجة غير الاسئلة وساعات تجى على دماغنا
انا كنت بكتب بوست القصة وبعدين حسيت كدة انى عاوزة اتكلم معاكم شوية عارفين انا عارفة انى ساعات بكتب حاجات غامضة او فيها شبة من فوازير نيللى بس اعمل اية بقى اصل اول عهدى بالعربى والبلاغةكنت بموت فى "التورية" بحس انى عاوزةاضمن كل كلامى واعملةكلمة بس المشكلة انهى كلمة وهتشيل اية ولا اية ولا اية بقولكم اية شكلى مفروض انام ودى تخاريف قبل النوم استحملونى بقى سلاااااااااااااااااااااااااااااااااام تصبحوا على خير