رثاء لشهيد سويسى الى روح اللى مات وسط موجك يا قنال من غير قتال

يا غلبى يا ولدى
يا ابن بلدى
طلقة تدوى فى قلبك وقلبى
فى عرض قنالى
صابك الغدر
جبينى اتهد
بين خطوط المد
راحت انفاسك على نفس الخد
تودع تقرب
وسط الحدود
فين العدالة وسط الوشوش
يا غلبى يا ولدى
يا ابن بلدى
روحك تروح وسط الجروح
الم ........الم معرفناش ننوح
فين الرجولة
فين النخوة ولا البطولة ؟
اعزل فى بلدى المتدارية
واقول يا ولدى خاف المواجهة
واقفل دارى واخاف الخروج!!
يا غلبى يا ولدى
يا ابن بلدى
فين يا سوايسة دم الشهيد
راح على المراكب سارح بعيد
بيدور على الحقيقة مجروح وحيد
راح محمد بين الموج
وجاى مليون محمد من نفس المروج
يا غلبى يا ولدى
يا ابن بلدى