"سبعة فى واحد"

1عاوزة اسمع حد بيتكلم كتير

لانى لما هتكلم محدش هيفهمنى ابدا حاليا

2عاوزة اسمع بس بتامل اكتر

3نفسى ارجع اسكندرية تانى واقعد تانى لوحدى ناحية البحر فى سان ستيفانو برغم انى لسة راجعة من هناك،اتفرج بالساعات على وشوش الناس المختلفة،وجيجى اختى لو جنبى هتهرى رجلى دوس وتقولى عيب بطلى تتفرجى على الناس

4بقيت بحب التصوير اوى ،تسجيل الخواطر بالصوت،الضحك على مواقف كتير رغم رغبتى انى ابكى

5بقيت احب امشى من بيتنا فى العصافرة لحد محطة الرمل يمكن احيانا

6عرفت ان اللى كنت بحب اسمعها اوى ومكنتش عارفة اسمها "سعاد ماسى" ........دى تحفة صوتها يجنن خصوصا وانا بسمعها وانا ماشية بحس ان فى قوة كبيرة جوايا بتتحرر

7بقيت بكرة الشيكولاتة اوى وبدون مبرر...........وبشرب نسكافية كتير اكتر من الاول برغم كرهى لية .....من الاخر بعمل كل حاجة بكرهها جدا بمنتهى الحب والسعادة !