تنبية هاااااااااااااااااااااااااااام
انا نقلت مدونة يوميات سوسة لمقر مدونتى " البراءة " يعنى اللى عاوز يروح على مدونة يومياتى هيلاقيها جنب البراءة وهتلاقوا كمان اتحاد البيطرين معاهم التلاتة جنب بعض ......... المدونة التانية بقى اللى عملها على اساس تبقى اليوميات احتمال كبير هخليها دينية ....... عشان رمضان باذن اللة كل سنة وانتم طيبين ............ انا فى المدونة عدووووووووووووووا عليا
تنبية هام...... الى سمسمة صاحبة مدونة بحبك يا مصر ونهلة صاحبة مدونة فجر جديد واسلام صاحب مدونة نام يا مصرى واسامة صاحب مدونة فارس بلا جوار ومحمد صاحب مدونة الفارس الملثم وباقى الناس ومش عاوزة انسى حد ........ انا عملت مدونة دينية وعاوزاكم تشتركوا معايا ممكن ؟؟؟؟؟؟؟؟ اللى عاوز يشترك يا ريت يبعتلى اميلة عشان ابعتلةدعوة للاشتراك
سمسمة ونهلة ......... هتشتركوا يعنى هتشتركوا ههههههههه بهزر يا ريت تشرفونى وتشتركوا عاوزة نشاط
صحيح اوعى يا محمود صاحب مدونة بطوط حبوب تبطل تدون او تقفل مدونتك مشكلة جفاف الافكار عادية ونتعرض ليها حتى لو هتدخل تقول اية اللى بيواجهك فى حياتك اليومية بالتدريج هتتشال المشكلة .....
5 أغسطس 2008
بواسطة سارة علي في 2:09 ص
الاشتراك في:
تعليقات الرسالة (Atom)
25 سوسة بيطرى ترحب بالزائرين ..... علقوا يا حلوين:
مبرووووووووووووووووووك
علي فكرة موضوع المدونتين فكرة لذيذة
علشان تكون يومياتك مع بعضها وأعمالك الابداعية مع بعضها
لتجنب اللخبطة وحرصا علي تتابع أحداث اليوميات
:)
الي الأمام ديما يا سوسة
ايمى صحيح
انا عاوزاكى تشتركى معانا فى المدونة التانية عملت مدونة دينية ..... ممكن تبعتيلى ميلك ؟ عشان ابعتلك دعوة الاشتراك ؟
بداية الف مبروك علي مدونتك الجديده يا سوسه, بس انا مفهمتش هم دلوقتي كام مدونه عشان
كده تهت مممممممممم
بالنسبه للمدونه الدينيه فعمرك اطول من عمري ,انا كنت بفكلا في حاجه زي كده عشان رمضان ,وانا موافق علي الفكره ..
احط ايميلي هنا ولا اعمل ايه ؟؟؟؟؟؟؟
اة يا محمد ابعتلى ميلك عشان ابعتلك دعوة
الايميل اهو mohamed1980244@gmail.com
بس بقي ابعتيلي مع الاميل حاجات وياميش رمضان هههههههههههه
ههههههههههههه
ياميش كمان لا هبعتلك نسكافية عشان مبتشربوش فهترجعهولى ههههههههههه
انا ضفتك يا محمد
وصلتك دعوة الاشتراك؟
ايون وتم قبول الدعوه
يا سلام طيب يبقي انتي عليكي بوفيه المدونه , اقعدي اعملي نسكافيه طول النهار للزوار ههههههههههههه
ايوة اتقبلت الدعوة بس انا فى مشكلة فى التمبليت افتح المدونة من عندك كدة
بتفتح عادي , بس انتي باين حذفتي البوست اللي كان موجود
لامحصلش مشاكل فى التيمبليت ياسارة
بس ليا ملاحظه يا سوسه
الاستايل ده متعب اوي في القرايه والخط صغير اوي مممممممممم
مبروك يا سارة يا قمر ربنا يوفقك يارب
فكرة جميلة المايل بتاعى هيتبعت مع التعليق .
تحياتى لكى يا قمر
معاكى من عيونى يااسراه مقدرش اقولك لا
بس اول ما افوق من الحاله اللى انا فيها دي
استحميلينى شويه
حاسه ان الدنيا ضاقت بيا
بس الحمد لله عل كل حال
اول ما ارجع هقولك
سارة انا نزلت
بوست فى مدونة نور الجنة
ادخلى شوفيه
بقلك صح
انا بتفق مع الفارس فى كلامه
فين النشاط اللى فى المدونة الجديدة يابنتى
رغم انك مش داعتينى ان اكون معاكى فى المدونة الدنية الجديدة .
بس مش اشكال ياستى .
انا هاسيب الاميل
mahmoud2007233@yahoo.com
mahmoud@mahmoud.vip
ومبروك الف مبرووك على المدونة الجديدة
تحياتى
ساره استخدمى القالب ده بدل القالب الى انتى مستخدماه فى المدونه الاسلاميه لانى القالب الى موجود مخلى القرايه صعبه اوى
http://lltoews.googlepages.com/abstractfloral.txt
ساره طب ما تستخدمى القالب الى بعته ليكى دا حلو والله
محمود ادخل المدونة كدة؟ شوف انا بقالى ساعة تهت عبال ما غيرت التمبيلت
هو حلو
بس دى مدونه دينيه المفروض
القالب لازم يكون كلاسيكى جدا
اقترح اما انك تختارى واحد من بتوع البلوجر نفسه
او واحد بسيط جدا
انما ده مظنش انه ينفع
انا بس كنت عاوزة اغير التمبيلت باى شكل معلش انا اسفة على التاخير انا اصلا مش عارفة اركز كنت هموت النهاردة المواصلات اللى كنت فيها العربية كانت هتدخل فى مقطورة ومن ساعتها وانا مش عارفة اعمل حاجة انا فى المدونة وهغيرها باذن اللة
حمد لله على السلامه
والحمد لله انها جت على اد كده
جربى دول؟؟
http://lltoews.googlepages.com/rusticviolet.txt
او
http://lltoews.googlepages.com/loveis....txt
معلش مقدرش اساعد باكتر من كده
ساره دول اقتراحات للمدونه الاسلاميه
1- اعملى لنفسك دوعوه على الايميل الى انتى عامله بيه المدونه دى .. وبعدين اقبلى الدعوه.. وخلى نفسك ادمن..
.. لما هتخلى الايمل ده ادمن ممكن تلغى التانى ..
والغى الايميل التانى نهائيا ... عشان تبقى كل مدوناتك فى حته واحده.. وده عشان الدعايه كمان يااارب تكونى فهمتى الطريقه
----------------------------------
2- نظمى النشر فى المدونه بحيث كل 24 ساعه لان فى مواضيع جميله جدا محدش لحق يقراها فعلا ... احنا مش بننشر من اجل النشر .. بننشر من اجل القرايه والاستفاده
زى مدونه الضاحكون .. بيعملوا تنويه ان البوست الجاى هيتنشر الساعه كذا يوم كذا
اعملى رقابه خلى اى حد ينشر حاجه تبقى درافت وانتى تظبطى انه يكون بين كل اتنين 24 ساعه على الاقل
------------------------------------
3- عايزين نعمل لوجو للمدونه للدعايه انا هبدأ اعمل فيه بس انا مش موهوب لو حد يقدر يبقى كويس
انا كده كده هعمل واحد لو عجبكم ننشره
--------------------------------------
4- بلاش بوستات الادعيه .. والاناشيد .. واى بوست مش بيقول حاجه
خلينا فى البوستات الايجابيه بس
على فكره انا مقصدش البوست الى عنوانه (دعاء فك الكرب) انما اقصد البوست الى عنوانه ( مختارات من ادعيه)
----------------------------------------
5- فى السايد بار عايزين نحط لنكات لمواقع دعويه وشيوخ وكده
هبقى ابعت تصميم ليهم شفته فى مدونه وعجبنى بس لو عرفت الطشه
:)
سلااااااااااام
إرسال تعليق