كنت اعبث ببعض رسائلها المدونة على قلبى بمداد دمى .... اتنقل بين الاحرف المحفورة باتقان شديد حول اوردتى ..... اتملق الاحرف كى تصير كلماتها ....كى ترتدى ثوب صوتها ... لكن كل آمالى ذهبت مع الريح !!...... بحثت عن هاتفى القديم وقت اللقاء لربما وجدت ارقام حبها المنتهى لذاك الشخص القديم المسمى فى تاريخ البشر " المعذب" انة "انا "....... كرهت ذات الشعور بالحنين الدائم لكى فقررت الخروج من دوامة الاحساس لربما تحولى لحجر صامت هو العلاج لتلك الاهات المتتالية ..... ارتديت ملابسى وقررت المشى وحدى لربما يخرجنى ذلك من تلك البوتقة الذهبية لحبك القديم ؟!
على باب منزلنا نادتنى امى فى لهفة وخوف قائلة" لاتخرج يا بنى الجو بارد جدا" ........ اجبتها بضرورة خروجى ...... فاعطتنى معطفا وقالت "لا تتاخر " وطبعت على جبينى قبلة حانية .........منذ خروجى لهذة الدنيا وانا لا املك حقا منها سواكى يا امى فبعد وفاة والدى صرتى عالمى ودنياى وفى هذة الايام اعلم حق العلم معنى الحنان والحب من نظراتك واهتمامك بى فانتى الوحيدة التى تعطى دون انتظار مقابل لحبها لعلى كنت موهوم حينما بحثت عن الحب خارج نطاقك الفريد ايتها الجميلة الحبيبة ..........
فتحت بوابة منزلنا العالية ..... خرجت مودعا الافق المجاورة لشارعنا ...... اتذكر ملامحك ... شكل ابتسامتك .... لا لم انسى شيئا ايتها الكاذبة الرقيقة ....... مرت الاسابيع والشهور ولازال قلبك المالك الوحيد لى كيانا وروحا ..... ووجدت حالى ابكى لا انتبة لنظرات المارين.......وفجاة فى منتصف دوامة الالم والحنين ارى صورتك يا ابى ....... فيحتار فؤادى اين انت الان ؟! لما رحت بعيدا لعالم غير عالمنا !!...... ودون مقدمات اجد حالى احتاج لحوارك يا ابى ...... احتاج ان ابكى كالصغار فى حضنك ..... ساقتنى قدماى للمقابر ...... ووجدت حالى اهم بفتح بوابها ...... لا اشعر بالخوف ولكنى استشعر رغبتى فى البكاء لابى ........ اعلم انة سيسمعنى ......
وصلت لشاهد قبر والدى ....... جلست امامة غير آبة بالتوقيت ولا الليل ولا الظلام ولا بقية القبور .......
والدى انى احتاجك كثيرا ..... افتقدك فى مجلسنا وسط اخوتى ....... اشتاق لسماع صوتك تضحك وتلعب معنا ...... والدى انى كالتائة اتخبط فى دروب العشق الواهية...... ابحث عن المشاعر الدافئة فاجد حالى وسط جبال ثلوج شاهقة العلو ....... لا اعلم لما ابحث كالمجنون عن قلب وسط القلوب بينما امى تحنو عليا بحبها المتدفق ؟!.......... هل تسمعنى يا ابى ؟؟؟؟؟؟؟؟؟؟ ابكى كالمجنون .... اشهق بصوت عالى كاد يفجر راسى ....... اتململ وتسقط عبراتى لتغرق شاهد قبر ابى .......
عذرا يا ابى .... لقد بللت قبرك بدموعى كالاطفال ........ اتذكر حينما كنت تريد توبيخى على شىء ؟.............كنت تقتلنى بكلماتك ..... كنت تضربنى لكن قليلا .... كنت احبك بشدة ولازلت احبك وافتقد وجودك صدقنى .........
كففت دموعى وقمت من جلستى ..... عودت لمنزلنا لاجد امى ساهرة...." هحضرلك العشاء اتاخرت لية ؟"...... نظرت لها بحنان وقبلت يدها فى لهفة " ربنا يخليكى لينا يا ماما "...... نظرت لى متوجسة شيئا ما ......." مالك ..... حاجة مضايقاك شايفة دموع فى عنيك "...... " مفيش يا ماما " ........ ذهبت لحجرتى .... جمعت كل رسائلها ....... محيت فكرة الحنين من ذهنى ...... ركزت نظرى على امى واخوتى ..... ووجدت عيناى تتجة لصورة ابى المعلقة على الجدار .......لاجد حالى اتمتم بكلمات " شكرا يا ابى "............ لطالما انقذتنى فى حياتك وبعد مماتك شكرا"..........
29 سوسة بيطرى ترحب بالزائرين ..... علقوا يا حلوين:
موضوع جميل وبوست مميز
تقبلي مروري
جميلة جدا يا سارة
انا بحب القصص القصيرة
تحياتى لكى ايتها المبدعة الجميلة
اروع مافى القصة ياسارة تمكنك بجد من انتقاء الكلمات التى تنسج منها العبارات
فبيخرج لنا الشكل البديع ده
برافو سوسة
بوست لذيذ اوى
فكره القصه جميله اوى بس صدقينى البطل كل الى عمله مسكن للالم مش علاج دائم
منذ فتره لم ابكى
ده كان بوست كنت كاتبه فى مدونتى القديمه عن معنى قريب من ده :)
ونقول الو اهى بيك صديق البرنامج
ياتري مين معايا
-سوسه
وايه ياسوسه البوستات الجامده والقصه الرائعه دي
ولا الكلمات والتشبيهات
يابنتى قلتهالك كلمه
انت خسارة ف بيطري بجد
موهبه جمييييييييله ربنا يحميكى يارب
ولا يحرمنا من بوستاتك:)
كانت معكم
سمسة المسمسمه
وشكرا
انتهى البيان
حسن حنفى
ربنا يكرمك شكرا على كلماتك المشجعة
تحياتى
نونو يا عسل
انا اللى بحبك اوى فى اللة يا بنتى متخافيش انا حاطة تاجك فى دماغى وهاجاوبة يا قمرى مقدرش على زعلك
تحياتى يا سكر
ازيك يا مدحت
ربنا يكرمك يا رب يا رافع من معنوياتى بجد
اسعدنى جدا ان القصة نالت اعجابك
تحياتى
ساره
اسف على التاخير
ازيك
بوست حلو جدا
قصه جميله
كلماتك اهم مايميزها
الرقه
دمتى بالف خير
تحياتى
ازيك يا محمود
تفتكر دة مجرد مسكن لالامة ؟ طب عاوزة رايك اية ممكن يخلى الالامة كلها تختفى وميكونش مجرد حل مؤقت ؟ ارجو الرد عشان انا فعلا بدور على نهاية لقصةمشابة لدى
محمود انا مش لاقية البوست فتحت اللينك بس مش عارفة اوصل للبوست بتاعك؟ ارجو الرد
اسعدنى ان القصة عجبتك
منورنى دايما
تحياتى
يا حبيبتى يا سمسم
منا بقولك انتى الحتة الجوانية فى هارتى يا قمر
بقولك اية فعلا انا خسارة فى بيطرى ههههههههه يا رب يتنازلوا عنى واتخرج بقى هههههههههههه
منورانى يا حبيبتى
ازيك يا اسامة
لا ولا تاخير ولا حاجة بس الاول انت كويس دلوقت ؟
الف مبروك تانى اهو على النجاح
شكرا على تعليقك الرقيق دة يا اسامة
تحياتى
تصدقى
انا
ههريكى
كومينتات
وهاخد
على الكومينت
نص جنيه
وايااااااااكى
تقولى
مفيش
فكة
خلاص كفاية كدة لحسن شكلك فلستى
انا نزلت بوست تانى بوستين فى يوم عشان بس تعويض عن غلق المدونة
اية الطمع دة نص جنية على كل كومنت دة انا حتى اليومين دول بشحت من اخواتى هههههه اة كدة تمام تعويض عن غلق المدونة يومين عاوزين بوستات حلوة كتيررررررررررر وعاوزين على كل بوست جالاكسى وايس كريم على الباب بتاع المدونة هههههههههه
تحياتى يا مدحت
جميله اوي القصه:)
المدونه القديمه بتهنج احيانا رحت البروفيل بتاعك اشوف ابعته ايميل ملقتش ايميل مش عارف ممكن ابتعته ازاى
اقولك سيبك منه هو رخم اصلا D:
----------------------------------
نهايه القصه كده حلوه اوى بس ده مش بيحصل فى الحقيقه
انا فى فلسفتى اننا بنحب اهلنا من "كل قلبنا"
وبنحب الحبيب من "كل قلبنا"
وبنحب ربنا من "كل قلبنا"
واخده بالك من كلمه من "كل قلبنا" دى المشتركه فى الكل ..... مفيش حب يحل محل حب -حلال- يحل محل حب
مستحيل تقول هحب اهلى اكتر وده هيطغى على حبى لحبيبى
مش هتنسى حبك القديم الا لما تلاقى حب غيره يخطفك وينسيك ... وبرضه هتفضل تفتكر فى لحظات حبك القديم
محدش بينسى حبه
ازيك يا كراون
ربنا يكرمك يا رب كل حاجتى تعجبك
تحياتى
ازيك يا محمود
اة واللهى كلامك صح بس ايةحكاية الحب اللى بيخطف دة هههههههههه احنا هنتعامل مع منظمات ارهابية وخطف وافلام اكشن وبعدين اة صح لازم الانسان يبص لقدام ويجدد حياتة ويشوف الجانب الاحسن وينظر للجزءالممتلىء من كوباية عصيرالقصب ولو مفيش قصب يبقى عصير لمون ههههههههه
الا صحيح فين البوست الجديد ؟؟؟ رخامة جدا وكورس مكثف ههههههههه من الغلاسة
تحياتى
إرسال تعليق