CLICK HERE FOR THOUSANDS OF FREE BLOGGER TEMPLATES »

18 فبراير 2008

قفلت الدفتر الشعرى خلاص

بداية انا عارفة طبعا ان اى حد دخل المدونة اتخنق من كم الالفاظ العربية والكلام اللى مكنش مفهوم بس انا فعلا شاكرة جداااا تعليقكم يا جماعة لان دة اسعدنى جدااااا ومعلش بقى استحملونى احم احم وكمان احم عارفين انا اغلب اللى كتبتة هنا كان حزين شوية بس بجد حاولت ابين وجهة نظرى فى شوية مواضيع انا بعترف ان اغلب المصطلحات غامضة ومتتفهمش بس اوعدكم الفترة الجاية هنقلل كم الالغاز عشان انا كدة داخلة فى منافسة معا شريهان ونيلى وفوازير رمضان .................
انا حد بيحاول يدور على شى مفقود الايام دى كتيرررررررررررررررررر بس اكيد موجود لان عكسة عايش ومتهنى اوى بدور على البراءة اللى موجودة حاليا فى عيون الاطفال ويمكن دة اللى مخلينى بحب الاطفال جدااااااااااااااااااااااا زى اغلب الناس يعنى بس بدور على الكلمة بمفهومى اللى عيشتة
ساعات بفكر معا نفسى كدة هو لية احنا مش زى زمان ؟ عشان الظروف والاسعار والمشاكل ؟ طب ما الناس زمان كان عندهم مشاكل
..............بس بلاقى حاجة ترد عليا وتقولى احنا بقينا فى عصر غالب علية المادة والسرعة ...........والناس بفئاتهم معذورين
والفئة المظلومة هى احنا الشباب مفيش فرصة حقيقية الواحد يحس ذاتة ..............زبس بردوا بيقولوا اللى عاوز يوصل لهدفة بيوصل بس ازاى ؟ هو دة السؤال ............والاهم واللى كان بيرد على استفهامات كتير
هو لية احنا بنتسال احنا مين ؟ من اكون ؟ بالرغم من ان اغلبنا عاش معا نفسة فترة كافية من الزمن ؟ يمكن كل الفترة دى مشغولين ؟ طب لية منشغلناش نعرف اجابة السؤال دة بالرغم من اننا طول عمرنا بنسالة "مين انا "؟ كفاية كدة علامات استفهام وبعدين الكى بورد خربانة اصلا وبالزات عندة علامة استفهام
يمكن انا بحب الشعر لاسباب كتير .............منها انوا بيدخلى عالم تانى بعيد عن مشاكل الاسعار والدراسة اللى مبتخلصش الواحد بيبقى لسة واخد المصروف وهوب ..................كلة يخلص هنا تصوير ورق وهنا مواصلات خربت بيتى وهنا وهناك وتيجى تشوف انت معاك كام تتصدم وكل دة فى انتظار الواحد يشتغل بس دى انهى شغلانة اللى ممكن تخلى الواحد مرتاح ماديا ومرتاح ضميريا
عشان كدة الدفتر والقلم هو الحل السحرى لنهاية اعراض امراض العصر ............ومن ناحية تانية انا مبحسش بذاتى وانا ماسكة قلمى الرصاص الخشب وورق بحس بمشاعر متداخلة من الفرحة والغموض ازاى اطلع كم المشاعر اللى حبسها الظروف عن النور
كفاية كدة النهاردة ويا ريت مكنش طولت عليكم واستحملونى بقى
امضاء
حدة بتفضفض معاكم

2 سوسة بيطرى ترحب بالزائرين ..... علقوا يا حلوين:

HeBa يقول...

سارة

في البداية المدونة بتاعتك هي عالمك الخاص اللي بتعبري فيه عن ذاتك كما يحلو لكي

وشيء طبيعي إن يكون في لحظات حزن مهو مش طول الوقت الواحد سعيد ومبسوط

بالنسبة لي أنا وعلشان أكون بكلمك بصراحة - ياريت ما تزعليش مني- أنا مكنش عندي مشكلة مع الحزن لأنه زي ما قلت أنتي بتعبري عن حالتك دلوقتي أيا كانت

ولا كانت مشكلتي مع الألفاظ أو الكلمات بصراحة كانت مشكلتي مع كتاباتك أنها وسامحيني أفكارها تبدو غير مرتبة بعض الشيء وده بيصيني بالحيرة ومش بقدر أجمع أو أفهم اللي أنتي عايزة تقوليه

مش عارفة أنا ضايقتك ولا ايه بس أنا حبيت أقولك رأيي علشان تأخدي بالك من النقطة دي

حاولي ترتبي الأفكار وتبسطي المصطلحات علشان يبقى الكلام واضح ومفهوم

ياريت ما تتضايقيش من كلامي

وأسفة أني طولت عليكي

وبانتظار جديدك

HeBa يقول...

سارة

أنتي زعلتي من كلامي ؟؟؟